¹ Tindambu se, agume oni seli na ndagba gbenge sani. Me ye bayita mi ke bake mbiti du, si poni du misakata n'oni. ² Hene banda tene ti bana, hene banda hen gbegbeleke sunge oni banda toni na ndagba kele oni. ³ A gbegbeleke ani, su na ani, ani gasi malo ti gine molimo ni Zegi, ko su na hen n'ani lokumu ti lumu Yesu Clistu, ani ita ba ma makanisi sani kali kpoto kusa. ⁴ Me, hi, na logbo me, mi bama makanisi kali kusa kpoto. sanga kulamu hen kian iba han tiko ni kpoto kusa, mi naga mi sa ako ka mbita zo. ⁵ Me, ayele kpotoe ti kutu ule isibe ata, ti tunga ha Isalayela ni ngba kpolo te sa Benjamin, Hebeleya, ti kido a Falasayi. ⁶ A tingili, a ba gbegbeleke duma Zegi, aba ka baza ako, a gei bita kido du. ⁷ Kasi, ita ngbangba hen me tipoyi Clisto. ⁸ Me na gela hen me nzu, mi zanga se mu tipoyi lokumu ini Yesus Clistu gbenge se, miza Fuka, na gela wani mu du na ndagba fuka tipoyi me nyeli Clisto. ⁹ O du na ndagba ko, ti poyi bita yongo se ka, ati ga gini mobeko na mu ana zala mu ti gini boyambi we Clistu, bita yongo mu ka ni Zegi tigini boyambi. ¹⁰ Tipoyi ani yini Clisto, na ngulu sekua sako, na pasi sako nzu obi mu, ani da wako ti gi ne kulugba. ¹¹ Tina du ya, mi bi yongo sekua sako na ndagba kulugba. ¹² Ti ge yi ba paya du ya mi su nyeli, to ni da peto, kasi miza tota tipoyi mizeli ga nga, tini ku ngba ku ni hu azelie ti gini Yesu Clisto. ¹³ A gumien, me ge ini du sanga za la ko, miza kana yongo me, ba iwa muka saa zoo, batenga mu ka mbita zoo. ¹⁴ Miza ota ni tina, tipoyi mi nyeli mbano gamu ka ali zo na be Zegi ti gini Yesu Clisto. ¹⁵ Ani nzu na ngbanya ni, du ani na makanisi sani gini kili, sanga kula makanisi keseni na mu ani du te, Zegi na yuga na ani ali zoo. ¹⁶ Na bati mu na ani da mu te meama, ani ta na bati ndo ani kili. ¹⁷ Oni nzu oni nzu indaen, agumien, on na bongili oni ka ali mu na ta mu wa ani. ¹⁸ Ako sigi na ta aba nguna kulu se sa Clisto, mi inya yongo sako no oni mbita, na wa meama miza fuka, na kpala. ¹⁹ Suka sa ako su na yiyingi, we ako Zegi su na vulu ako, aza na kembo sa ako na ali yongo mu dumu na hen ze, ako na bila kpati na yongo mu du mu ka ali sende. ²⁰ Wani bati ali zoo, ani za sungula hen ba gusu ani wani gbenge Yesu Clistu. ²¹ Da na bilan kpoto ani we ze, a ti da wa kpoto kembo, mi ngulu mu odu mu te, ti botosi hen nzu.