¹ Ti na duya da dedelenke na ndangba Yezu Klistu Zegi ; dan hum hum ngulu na ndangba ngbanya yongo, ti na du ya ndambo gumi we molimo, Zegi ham na du mawa n'a ndambo ngolu. ² Mi na gasa esengose, atidu gimi kili na halan, na gumi, na molimo, na baba du ani gini kili. ³ Kasi molimo so kunanga hein kili ka na basa kunga malo, kasi zozoloo soni ka a ya oni bi a kula aboni wa akodu na alio oni. ⁴ Ni nani na ndagb'ako, oyita ba gela tingili ali yongo sako, oza gela we à kula aba koo. ⁵ Oni du ni halan dumu ti Yezu Klistu. ⁶ Inda du wa kpakpa Zegi, ga gele nga ka wa liga à gbula mu a Tidu gimi kili na Zegi. ⁷ Kasi osalaka ni ti koo, ona zeli ndenge aba saleli Zegi, on bili ti ko wa ani, na on kulu wa kungba ni, ⁸ Ona zolon nita ko, tosi mbuu na kulugba, kulugba mu na n'a we ali ekulusi. ⁹ Tipoyi se su a Zegi tomboli ko na on hun niko luma nguluku a luma nzu. ¹⁰ Ti luma yeze akuku nzu na zuka alizoo, se nde noo, na ti sende. ¹¹ Ngba kpote nzu fuka ya Yezu Klisto ni gbenge ka sa kembo sa Zegi buba. ¹² À ni a gumie ga kana nga ngbanya yongo, na ngbanya sungu, tipoyi ba gunde, na ba kisa wa mi du han. Kasi hé ne kana sigi wa mi boti mu. ¹³ Zegi su na ma gumi na sungu, sako ti ngbanya gini esengo sako. ¹⁴ Kana yongo nzu ga fuku nga ka, ga gunde nga ka. ¹⁵ À basi Zegi, oni du peto, na ngbanya kanaga, ga gîta nga ka saa zoo ka, na ndagba a gbegbeleke a gude oni ngengi wa bendele na ndangba mokili. ¹⁶ Hahaka kpoto bomoi esengo za kanae, na hule Klisto, na mi kungba du, na mi ge kana sungu ni kungba du. ¹⁷ Ata mi na gawan pii wa mabonza, tipoyi sungu sa boyambi mi kite n'a sepeli, na mina sepeli na oni. ¹⁸ Oni hin, oni sepeli on kili, oni sepeli hien naa mi. ¹⁹ Na ndangba gbenge Yezu, miyi ba tima Timoteo wa me ama, tipoyi mi dingi ngulu ba yuga nooni yongo mu lengbe mu nooni. ²⁰ Awe ni kili ku pe ba inya ne makanisi soomi, tipoyi ba zala na du ko tingili yongo sooni. ²¹ Ni nzu na gela ngbanya yongo sako, kasi we Yezu Klisto ku. . ²² Oni yini ni ngba ngba ya à nyokali ko na mi tipoyi sungu kpoto Zegi, wa gude n'a bako. ²³ Mi yi ba tima n'oni n'a logbo mu mi na zala gini bakula na yonge mu du te. ²⁴ N'a mima doe tingbege ya mi ni te na no wa meama. ²⁵ Mi yi ba tima no oni kulabe Epafura ni bita tipoyi kosu na abasungie na sungu, na kula, on su fuku ya ogako su ba sunge na ba senga se. ²⁶ Tipoyi oyi babi oni nzu, na logbo mu odu ni ngulu na ndangba konyokuama, oni gini pandi wokote sa ko. ²⁷ Ogo n'a wo ka, tisu, o da dudukpa na kulu gba, kasi Zegi, bi mawa sako, a nga mawa sako kili ka, mawa se him, tipoyi mi na nye nita ndunga ka. ²⁸ Mi timi ko ti esengo na due, tipoyi oni sepeli babiko, na ati egi ndunga na due. ²⁹ Omi yambi ko n'a ndagba gbenge na esengo nzu, Oni kumisi atunga tia kumba me. ³⁰ Tipoyi sungu Klistu oyi ba kpi mu Kate, ma bomoi sako tipoyi asambeli na bati oni na ndagba sungu oni Gasi mu ne.