1 Mi Paulo, apostolu we Yesu klisto we a Zegi hi, mi timi na gumi Boyambi klisto Yesu bitime. 2 Zegi buba sa ani na gbenge Yesu klisto a hun no ni galasia na zezele du. 3 Akonda Zegi ba gbenge sa ani Yesu klistu! O ba bati ngbako ka ta ni na on insi ani ti ngbaya yongo mbisie Zegi ali zo tipoyi klisto. 4 Ni gumi nyesi ba loko ani awo yo age goso kana Zegi, no du. 5 Ni gumi akida ani mbamba ya ani da na bosi Yesu clisto koni tako yi wa muyo. 6 Tipoyi ani gunda luma ko mu o humu na ani gini kili na bosi ko we gumi. 7 Kosu kpula ani na kulen sako ozeli malo kele yongo sani ngalasia mu a ti nguluku yagba yongo. 8 Zegi buba hu nani ndata nzu, wi ka ndata mu k`ali ani nzu, a nya na ani. 9 O fuka nani yongo mu o egiti du ko, mu o kida ya oza lengbesa se ti mama be klisto. 10 O lengbese se tu ule na lengba: O panlima hein okana mu tibe ko ali zo na sende no na be gbe kpati kili klisto. 11 Tipoyi klisto aya ani laba Yuda ani du na ani sako; on loko ani bandi mbamba wa okida ye ni tako na ka yongo nze wa oyi, 12 Timolo se ya, ani na ani mu aumu ma duani ni klisto mbita, ani volonko yagba gunda sako. 13 Tipoyi klisto oni na (abapagano) hi, wa oni gini bita kpolo, na ngbanya yongo we bapusu ani, ani yambi se. Zegi keti du oni kpo Elimo muo kida mu nami ko su Mbisimo Zegi. 14 Ko du ni tingili sani nyemu, ko su lengeli ba gusa te sa Zegi tipoyi ba gunda ko. 15 Tisu du mu, wa mi gini tunga ti ya yambi Gbenge Yesu na yiyi ani nzu. 16 Miza kpati ba gunda Zegi na logbo nzu na baba due k`ali oni ti sambo se. 17 Zegi we Gbenge sani Yezu klisto, buba mudu mu lengbe mu ni gonda, o hunomi Elimo mu na hu ndata na yini yongo tipoyi oni yini bita yongo. 18 O ulu bongi oni na duoni tipoyi oni bi ya oni za ma duoni ba sunguda ko, wa ko kili ya oni; oni yini gbata gonda sako, na yongo mu oni na zala mu guai kili na basuntu. 19 Oni yini ya yagba ngulu sako ni suka ku, tiza kana yagba yongo na duani, ani na ani mudumu yi poyi ko na yagba ngulu. 20 Oza yugu se ti klisto, wa o lugu ko na be gukpa, na o sungu su tiko be sako ali zo. 21 Oma kali molimo mo nzu we gonda na ngulu na we a gbenge; ozeli luma ngulu aluma nzu ape ba ge se we meama na ule nzu na gamu. 22 Oma hein nzu na ti ndo ko, osu loko ko odu ni gbenge he mu nzu mbe eklezia. 23 Tipoyi eklezia su du ni kpoto klisto, klisto hu tiko nzu na eklezia, wa a Zegi du hi nzu ti klisto.