¹ Ni Paulo, ni sa zegi Ka na ya mi du apostolo Klisto Yesu na gumi oni Timothée, ² We a gumi we Colosses; Gumie ani we yini yongo ni Zegi Klisto Zegi ba ani hu no ni ngalasia na yi onga. ³ Na lengba nzu ani za gonda Zegi buba sa gbenge sa ani Yesu klisto Ti baba du ani ti voloka sa ani. ⁴ Tipoyi ani du ni ya oni za yini Yesu klisto na oni nzu ni gumi. ⁵ Tipoyi mamadu ti ngbaya yongo a lekemu noni ali zo; oni gini se wa a fuka mu nono ni bita kpolo su na ngbaya yongo. ⁶ Ngbaya yongo mu ake ka soni ti kpalaka na ti vungu lindi Zegi no nzu; kasa ani no hi kpati wa muyo, bandi na ulu mu oni gini na oni yini galasia sa Zegi ni bita. ⁷ Epaphras, suni fuka no ni su yongo mukoni kula bani mbe gumi we sungu, ona kana sungu klisto ti luma ani. ⁸ Kosu fuka na ani mbisimu, Zegi hu nani gumi. . ⁹ Tisu ani hi bandi na ule ani gini pandi yongo me, age mbiliki du ba voloka tipoyi oni ba voloka Zegi ya oyini yongo nzu oyi, oni hi na ndata mbisimu. ¹⁰ Tisu, o du na kana ga mu lengbe ni gbenge na mu na sepelisi ti yongo nzu: Na kusu ngbaya kula sungu o sono na hi hini Zegi. ¹¹ Zegi o lendisi oni ni ngulu sako guda sako ya o du na ngulu ba do ti kutu ni yongo na on bo du oni ti yongo nzu. ¹² O gunda baba Zegi ni ngbanya du oni tipoyi o leke noni ni ngbangba o hu noni te imala. ¹³ Ko su na bila oni ti gbenge mudumu ni bibili la, ba limi oni ti gbenge bosi ko ni gumi. ¹⁴ Ani gu tipoyi ko ozeli na ani malo gbegbeleke yongo. ¹⁵ O du ni elilingi sa Zegi mu ge a bi du a vungu ko mbita yongo nzu. ¹⁶ Ko su kana yongo nzu na beko, ali zo na sende no, mu ana bise, na mu ani ge abi du. Mbisimu du na bati se na gunda ti gbenge na ngulu yongo Nzu akana tipoyi ni beko nzu akana ni beko na tipoyi ko. ¹⁷ Odu mbita yongo nzu na nzunzu du na bomoyi tipoyi ko. ¹⁸ O du hi ni kpoto, kpoto su eklezia, ti he henge mbita ni sa sekwi ndagba ambe kulugba, tipoyi o du ni gbenge yongo nzu. ¹⁹ Zegi hisiko ni gbenge sako nzu. ²⁰ Tipoyi ko Zegi no nzu gita ti lingini ti gumi Zegi, a mumu dumu ga senge mo, na mu kali zo gasi gumi ni kule sako ali Kuluse. ²¹ Oni ye ni Zegi mbita du, o du na a gbegbeleke ani tipoyi baba du oni na kele sungu so ni. ²² kasi Zegi ga si gumi na ndagba oni na ko kili, na bati uu kpoto ko ti kulugba, okana ya oni da ni gbaya ani ti bongili ko, o du na kele yongo ka. ²³ Tisu o lu toni ni ndendelikpa tini ngbaya yongo, oma du oni ni gugu akida mu no ni ti ngbaya fuka do oni gini mu, ga manga du oni ti mula kian ka, a henge ba fuka, ti yongo mu, ni Polo, nida basaleli se. ²⁴ Wa meama mi sepeli na dinga mi na gina tipoyi oni,Mi lengbese ti kpolo se dinga na christo dingi mu tipoyi kpoto ko tisu ni duma Zegi. ²⁵ Mi da ni mbe sungu duma Zegi. Wa a Zegi hu ne sungu we fufuka noni kpolo sa Zegi nzu. ²⁶ Bandi mbamba Zegi egi nani yongo me, wa meama oyugu se ti abayi poiko. ²⁷ Zegi yina du ofuka na ako ngulu na gunda e egi yongo ka sa ambe kele yongo: klisto na ndagba oni,ko su na hu noni babadu we gonda mu! ²⁸ Ani za fuka yongo Klisto mu, wa ani na fuka na ani nzu na hu nako yagba ndata, tikutu se ada na ngbaya ani ti Klisto. ²⁹ Tisungu mu nina hu te ti ngulu sa sako tina kana na due.