² Waka ani gbula taani na be agbegbeleke ani, wa ani dunga mumu ni yiyi yongo du. ³ Nzapa kpaka ti fukado ko ko na ga ba hu ngulu neene yabanda ene na bembe biliki. ⁴ Ani yika te na gini gbenge saani, ya ene na kana, ya na ga bakana ayongo pe ani leke ngbagini se neene. ⁵ A gbenge leke du ene kati yiyi ni Nzapa naa a sunguda kilisito. ⁶ Ani na sia neene ya ego ti kutu gumi mu na no ni ngbungbunduka ita gini ayuyugu yongo mu edingi na baani. ⁷ Ene ni teene eini ka awa ene na wilika ani kate, tipai ani naka du na dagba ene ya na no kilikili du. ⁸ Ani na kele liga sa nikili nikungba du, ani du kpati na sungu ya na ndila, ayula na ule nzu kpati sungu ti payi ani ka leke nga ti nikili na ndagba ene ka. ⁹ Ani kakana yo ni kungba du, ti du ani yugu neene ba du na kana yo wa ani, ¹⁰ Tipoyi ani dumu seene zo ani na fuka ya: Nimu yinga bakana sungu du ko ka linga liga ka i ka. ¹¹ Anin na gina ya akula na dagba ene na no kilikili, kana nga sungu du, ya yi kpati ni adukpa yongo. ¹² Ani ya ani mu a ako ita akanaga wa mu yo, ti luma gbenge Yesu kilisito, a ako li kpati mbangi na wee ako ya kana sungu na silili. ¹³ Ene tuene,agumi, eka mbilika ngati kakana ngbangba yongo ka. ¹⁴ Ka ni kili gini nga ya kana ka ha ani kana mbiti me ka te du, emeleke poyi ko ya go tiko a ze zaliko. ¹⁵ Ene ka binga ko wa mbe baso ka, gbegbe tu ko, wa gumi. ¹⁶ Agbenge silili, hu neene ni tako silili na we logbo nzu na kase nzu! A gbenge du na ene nzu. ¹⁷ Mi na polo mi sia kateene ni bee nite, tisu na mama bati kutube na ambilti see nzu, yo su mi na meleka mbiti see. ¹⁸ A galasia sa gbenge Ysesu kilisito du neene nzu!