¹ Tipai yongo gani wani gbenge Yesu Kilisito naa dudu ani naako ti yo, agumi. ² Yongo kiliya nika ndangi nga ene ke, eka panza nga lulieneka, atidu ya ti gini inda we aka yinga kilika ti wa ulesa gbenge dada. ³ Nikili ka ndngi nga ene wa kili ka: Tipai ya mbita ni ule mu, ani sigi na ga ba ka pai Nzapa, ka mbe gbegbeleke yongo ya g ayugu yu, mbe kana gbegbeleke yongo, basi ingi gini. ⁴ Komu na lu ni baso kaali yongo Nzapa nzu na he mu nzu ana gunda se, no nvee ba sunga na duma Nzapa. ⁵ Ekele ini bati io du ayongo mu mi nye na fuka neene, wa mi na du sene zo? ⁶ Ene ini wa meama he mu nakisa gini ko tipai ako ga kpati ti ule sako. ⁷ Tipai ngulu sa mbe gbeleka yongo na sungu wameama, ya na sungula kpati ko mu na bogini ko akogo nagini. ⁸ Wayo kini mbe nagili ya kulu, a gbenge Yesu napanza ko ni yugu ngbako ko ya ga nyansi nguluko ni nyikpa gamiko. ⁹ Kukulu mbe nagili mu na ga ba du ti gini ngulu na we satana na ka amu yongo kpele, naa amu yugu he na mu akanaga zele. ¹⁰ Na aka ayongo mu nagbe akomu du mu tipai kulugba tipai a ako kele dingi gumi bita yongo ba gu du. ¹¹ Kate, Nzapa na tima niako ngulu aakono unga waa ako yi kpati ayongo zele. ¹² Wa mu yo, ako mu nzu kele yi bita yongo du, akpati yongo yongo zagi mbili taako, a ako ti kayongo. ¹³ Tipai ani, aguimi ti gini gbenge ani lengbe na gasi galasia ni Nzapa tipai ene ulenzu, wa ako na salaka ene kpati mbita tipai gugu, ti gini mama ene ziazia a Yingo ma ene na ti gini yiyi yongo naa bita yongo. ¹⁴ Kpolo NZapa ya ene kate tipai edu ni gunda he sa gbenge Yesu Kilisito. ¹⁵ Kati me yo, agumi, endilikpa kati yuyugu yongo mu edingi ti du ti gini kpolo wala a mbiti saani. ¹⁶ A wana gbenge Yesu kilisito nita-ko, Nzapa Baani, na yi mu naani, na humu naani zeledu ti logbo nzu, ngbangba mama du. ¹⁷ A ako zelesi du ene, ya na hu ngulu neene na ngbangba sungu naa ngbangba kpolo!