¹ Palo, Sylvain na thimothée ni ambe duma Nzapa sa Thessalonike Duma na we Nzapa Baba na Yesu Kilisito gbenge. ² A galasia na silili du na ene na be Nzapa Baani naa gbenge Yesu Kilisito! ³ Ani lengbe ba na gasi galasia ni Nzapa tipai ene ulenzu, a gumi, ti lengbe yo, tipai yiyi yongo seene na kinakina naa pai gumi seene tipai abeene na no kpani nikikini. ⁴ Tisu i ani na fo ngboduani na aduma sa Nzapa ti yongo ene edumu ni bobodu, na yiyiyongo seene na dagba akakana ene tipai Nzapa na akula akakana ene ene na yise muyi. ⁵ Tina yuga lulu dedengbanga sa Nzapa ene na dinga tipai. ⁶ Tipai ti du ni lulu yongo sa Nzapa ba gasi ndila ni akomu na hu ndila. ⁷ Ya ga ba hu neene, na mu, dinga baba homi na ani ginikili, na logbo mu a gbenge Yesu na kula kabangili ani na yayu zo na anzelu sa ngulu ko. ⁸ Na geebele mila we ba hu didi ngi ni akomu ini nga Nzapadu, na amu akomu ma nga fukado gbenge sani Yesus ti sungu du. ⁹ Ndila saako nagaba du na zanga he pe ti ule nzu, dudu ni tutulu ti kpakpu gbenge, na pai gunda ngulu ko. ¹⁰ Ule mu te ako nagate agunda na aziazia ani sako abiko ni sukpala na akomu na yi paiko, wa ayimu nitata pandi ene. ¹¹ Tisu i you i ani na sambila Nzapa ule nzu tipai ene, a Nzapa de ngbanga ene lengbe ni yayala sako, kolimisi kaa ene ni ngulu sako angbangba yongo nzu tigini ngbanya du sako akana sungu yiyiyongo seene. ¹² Tipai ya agunda Yesu ti gini ene, ka ene i agunda ene na kozo, lengbe ni galasa sa Nzapa naa gbenge Yesu kilisito.