¹ Petelo, apositolo sa Yesu kilisito ni ako mu du ni adukpa ani kpataka mu na panti, Galilaya, Cappadoce, Aziya, Bithynie. ² Ako dumu asalaka ako lengbe ka ti ina yongo sa Zegi baba, na gini zizia yongo sa yingo vulu, tipayi a ako duni ambe gigini yongo wa ako du na bala wilika kule Yesu kilisito: Apasa naa silili ngesitu neene! ³ Malo ni Zegi gbenge sani na Yesu kilisito dumu, ti gini yagba ngbangba duko, gasi ani ni nvogo tipoi mamadu unga tigini ka kulu na Yesu kilisito na ndagba akulugba. ⁴ Tipai he kumba mu ka gbeleke nga du; ka kusu nga felele du, dumu a abanda se neene na yayu zo. ⁵ Ni ene mu, ti gini ngulu Zegi ti gini yiyi yongo, tipoyi gugusu dudukpa ba du na bati bayili na na ayagba logbo! ⁶ Tisu nakana payi yongo mongo seene, baatokele wa meama, edu na guna ya na nguluka na akele na ayongo, tikana mongo kana. ⁷ Tipai ndila ti gini yiyi yongo sene, dumu ni ngbangba gulu nguluku we wolo na gbegbeleka ( baato awe i pai se) ati dingi gini gunda he, kina payise, naa payi gbenge, na ule mu a Yesus kilisito na kula te. ⁸ Komu eyi niko baatu ebinga ko mu du kele, ya na du ni mongo sigi na yongo gunda la. ⁹ Ti payi ene na dinga gugu yingo seene; na gini gulo yiyi kati yongo seene. ¹⁰ A prophéta mu nas fuka yongo na fuka payi galacia a agise neene, zali gugu ni he gegele gini ayongo saako. ¹¹ Ya na gele baina ni dudu ngula logbo naa aka yongo mu a yingo kilisito na meleke, na dumu na ako, kana dumu na Yuga mbita ndila sa kilisito naa kina payi mu na ga ti kutu. ¹² Tiya inya naako ya, ti dunga tipai ako ni ta ako du ti du ti pai ene, yako du ni abaleke pai ni yongo mu a aba bai pai yongo Zegi okamu wa meama; ti gini yingo vulu atimi ko na yayu zo na a yongo mu a aanzelu yiba baba gili ako ka te. ¹³ Tisu, ati ndindilikpa na gina yongo seene, ya duni bobo du, na biti mamadu ene kati Galasia na gamu neene na ule mu ayesu Clisto na kula te. ¹⁴ Wa agude mu na gina ngba ene ka manga teene kati a hala mu ene na du te mbita du awa ena na du na inga yongo. ¹⁵ Ka Wa akomu yene du ni ziazia payi ko, ene i edu ziazia na kanga ene wa mumu a ti meleke ya. ¹⁶ Eme na ga ka du ziazia, tipayi mu mi du ziazia. ¹⁷ Tisu ka ene na sambila ti luma baba,ko mu na biongo sa ani ngini kili lengbe ni he mu akokana,eno ni leene nagunde, na logbo ndugu gini nzapa. ¹⁸ Ini ya ti du nga tigini yongo zilihe, nginza walawolo su agulu ene te nabe kungba malati dudu ni unga ene na dingi se na be abeene du. ¹⁹ ti da ti me ti gini kule yagba gulo sa kilisito, wa we basi ngasa ngbaga zanga nagili. ²⁰ sasala ani mbita azagi dute, yaga yuga tu na nyanganle tipayi ene. ²¹ Tigini ko e yi Nzapa kana muya kogu na dagba akulugba yaga ha gunda payi niko waka yiyi yongo naa mamadu sene du ka li nzapa. ²² Ya egaa kpula amanya ene ti gini kakana sulungba bitiyongo badu ni kumi ni bitii, edu ni bita gumi sigi na dagbe ene na duene nzu. ²³ Tipai eda ni nvogo ene, dunga ya ti gini tinga mu zilinga du, pkolo nzapa mu du ni unga na we ule nzu. ²⁴ Tipai kusa nzu kpati wa kpekule. Kina payi se kpati wa felele kule uguu kpe naa felele na tite. ²⁵ Kakpolo sa nzapa time nyenye kini.ka kpolo mu su ga neene ti gini babai kpolo Nzapa