¹ Polo, toma o Yesu Klisto na bopala bo Njambe, ali basenwake bakadae a efese na senwake atei e Yesu Klisto: ² Ngolu na bowi bopame nanu bodonga adi tata Njambe na Kumu osu Yesu Klisto! ³ Njambe apambwame, sango o Kumu osu Yesu Klisto, iyo osa pambola so na mapambolu masusu ma mwembo a esika ediko atei e Klisto! ⁴ Aliyo Njambe a mohono yambo ji bokomo bo ngondo, poji bo bodae basenwake pe bajangi pamela aboso bo nde, ⁵ Ahono so boso na epaleli ende bodae bana ba lisiko a Yesu Klisto, bokokana na sepi epele e bopala bo nde, ⁶ A makumiji ma kembo e ngolu ende iye apama na su atei e mopalami mopele onde. ⁷ Aliyo bodia lisiko a makiya ma nde, bolimbisi bo masumu ma su, bokokana na bojwi bo ngolu ende, ⁸ Iyo Njambe api na bula liko lisu na njia e elenge esusu e bwanya pe mayele, ⁹ Boinejaka su mabombami ma bopala bonde, bokokana na ndenge ekomo na nde mene , ¹⁰ Poji bosama atei e mosala tango ehele eka koka, bosangesa leka losusu ali Klisto, ibu boli aliko pe ibu boli ta ngondo. ¹¹ Na nde bo imeyi basangoli, aponoso boso na bopala bonde na iyo oko makambo masusu bokokana na toli e bobala bo nde, ¹² Na tina bo bokumije na kembo e nde, iso ba boso lolikiyaka na Klisto. ¹³ Atei ende koko, ngongo ji boka liloba di soti, sango epele e lisiko li nu, atei ende odimiani pe oisamani elembo na mwembo mosenwake imo molakama poji no, ¹⁴ Na yona edi ndanga e lisango li su, poji lisiko li iba Njambe abalia, na makumisi ma kembo ende. ¹⁵ Na boa mbi koko, bokaka botondo na tina e edimeli enu ta tei e Kumu Yesu Klisto pe na bopala bonu poji ba senwake, ¹⁶ Naliti botanga bopa matondi poji nu, bolangaka ino ta sambo ji mbi, ¹⁷ Na tina bo Njambe o kumu Yesu Klisto, Tata o kembo, apeno mwembo mojebi na emoniseli, ta tei e bojeba bonde, ¹⁸ Pe adimeje miso ma milema mino, poji bo ojebeni elikya ndani ekandaka no ta ebaeli ende, eli ndeni bozwi bo lisango li bomba yo poji basenwake, ¹⁹ Pe iye eli a yongo esu iba ba dimiya bonene bo kembo etaki suka ende, iye enenijami na bopipo na njia ngulu ende. ²⁰ A eloma atei e Klisto, na bomosekojaka ta tei e bago, pe na bomolajaka ta ebo ende e momi ta bisika bi liko, ²¹ A diko di bibongiseli bisusu, e bokumu bosusu, e nguya esusu, e bokonji bosusu, pe na kombe esusu iye ekoki bopama. pepe koko ta ehole iye, kasi naikina na ehole iye eluwaka. ²² Aisi esusu a mako mande, pe api bokonji bonene a etonga, ²³ Iye eli mokuku monde, boluma bosusu na iyo oli molumake mosusu a bosusu.