¹ Polo, toma o Yesu Klisto, na bia bani bodoa pe bonangana te ta gbagba, Galatia, Kapadosi, Asia pe Bitinia, ² ibia bohomo engebene na boene bo Njambe tata, na mbeka e mwembo atina e botosame, pe bodae bapetoake na makiya ma Yesu Klisto. kina bo ngolu na bowii bodae bobakane ai no ! ³ Pamboama Njambe, tata o Kumu osu Yesu Klisto, iyo, engebene na wa ende enene, apiso bomoi na ekina, tina e elikya emoti e bomoi, na nzea e lisiko li Yesu Klisto atei e bago, ⁴ tina e lisango liye lidi pe lifiti libe, pe pita, pe boongoja na ebende e mosa, lolenge ebaneami atina enu atei e diko, ⁵ na no ibi, a nzea nguya e Njambe, obaneami a nzea e ejimeli tina e mohelo modi mbuti na boeneme atei e bohole bisuka ! ⁶ Edi yana iye ekoko sepi enu, nomgo edeye, esengeli oboa, odaeni na wa tina mo ehole ekeke na mamekani masusu, ⁷ atina bo bomekama bo ejimeli ewe, yumu enene bono wolo wolo iye edi bogwa ( iye e mekama a nzea e mosa), bodia tina e biyano bi bosakoa, ngolu pe ekumu, ehole Yesu Klisto asanemeja, ⁸ Iyo bo omopalaka no zanga bo moene, na iyo omojimeaka pe bo moene, olumejani na sepi epe boisa mondende pe na ngolu, ⁹ atina boo odiabini mohelo mo mwembo monu tina bobuno bo ejimeli enu. ¹⁰ Basakoli, ibi basakola bobenze ngolu iye ebaneami atina enu, bakoi na ejimeli mokonja mo edukeli ebu pe na bodala bo lilondo libu, ¹¹ Bopalaka bohojono bihole pe makwela masama elembo a nzea e mwembo mo Klisto iye edaka na nde, pe iye ajimejaka boso minongo mi Klisto pe na ngolu iye ilamaka nande. ¹² Aba inejaka bo yaidaka te atina ya ibo meene, kasi atina ebu, badaka bata bakape leka lua, lo otondini bo ededie lua lo oeteini bo, mwa mopele ta njia ya mwembo mosenoke molomama na diko, pe mimi ba obwenji bapalaka boisa miso nabu. ¹³ Natina emina, sopeani makiya ma bookana bonu, daani modidi, pe diani molumake na elikya ta tei e ngolu epamabi nanu, ehole eduabi Yesu Klisto. ¹⁴ Elenge o bana botosi, pe bodabini koko na maluli madaki nanu mbala ekina, ehole edakina a taka e lijebi. ¹⁵ Kasi, tina bo iyo abae no adi mosenoke, no koko daani basenoke atei e mida mino misusu, ¹⁶ engebene iye esonomo: Odabi mosenoke, te ngasa nadi mosenoke. ¹⁷ Pe ekada bo obei nielenge tata iyo asambejabi engebene na misala mi moto na moto, pe bodongeja moto, sadalejani na bobanga ta ehole enu e mwengo, ¹⁸ Nabojeba bo editi na nzea eleka lobejaka te, na nzea e falanga to na wolo, bo no osikolamabini na ndenge e bohela bo iye esangoloni no ai ba sangwanu, ¹⁹ kasi a nzea e makiya mo mobuno mo Klisto, elenge e mwana o punda ope libunga pe ne ope taka o mabende, ²⁰ Ohomo boso bo boyoa ngondo, pe onejami a suka e bihole, a mojo monu, ²¹ ndani a nzea ende adingaka na Njambe, Iyo a mosekwisa ai bago pe amopa na ngolu, na ndenge bo ejimeli pe na elikya eno edae diko di nde. ²² Asenoja yo membo mino na botosaka na soti tina bodia epaele e bangene esoti, sapalani na opele atei enu, na milema mino misusu, ²³ tina bo odiabini bomoi na ekina, pepe a nzea e mboto e yogo, kasi a nzea e mboto epe yogo, a nzea e mwako mo bomo pe moyeyoaka na boda bo Njambe. ²⁴ Te ngasa munu modienge nzani, pe ngolu emina esusu edi enge fulele i nzani. nzani igwaka pe fulele ikwi; ²⁵ Kasi mwako mo Njambe modikaka seko na seko. Pe mwako muwa modi imu motondo no a nzea e miako mipele.