¹ Nalejeni, ba ngene, Sango epele iye ilimbi boteya no, iye eta lia no, iye eyikaka no piko, ² pe na njia mina ata hela no, ema ebaneani elenge eta teyani mbi, na elenge ekina, mbele odimiani biya ngasa. ³ Nateyakino yambo esusu, elenge elisaki mbi, bo Klisto agwa tina e masumu ma su, bokokana na misono; ⁴ apusiama, pe asekwa a liswa li masato, bokokana na misono; ⁵ pe aneneke na Sefasi, ngongo na ba lomi na ba bae. ⁶ Nalikina, anene na bono ba ngene kama ji tano na mbala emoti, etei ebu mundi bali na bomoi, pe bakina bagwa. ⁷ Nalikina, aneneke na Yakobo, ngongo na Batoma basusu. ⁸ Ngongo ji bo basusu, anene koko na mbi, elenge e moti na Avoloto, ⁹ poji bo nali mokeke o batoma, naliti sembo te boyama toma, poji bo na yikikija ta etonga e Njambe. ¹⁰ Na ngolu e Njambe nali iye elimbi, pe na ngolu ende alimbi eilaka ngasa te, boyali na iyana, nakomosala bono bo basusu, eliti mbi te mbala isusu, kasi ngolu e Njambe iye eli na mbi. ¹¹ Na boa, elae mbi, elae bo, inja iye eliso boteya, pe eli iye edimiya no. ¹² Njokande, bamaka teya bo Klisto asekoi atei e bagwa, tina ndani atei enu bakina babalaka bo eliti na lisokwa li bagwa te? ¹³ Emiti la na lisekwa li bagwa, Klisto pepe koko alisekwa. ¹⁴ Pe ekalabo Klisto ali sekwa, liteya lisu lili ngasa, pe edimeli enu eli ngasa. ¹⁵ Eli bonejama ngonga ekina bo loli batatoli babe a boso bo Njambe, tina bo lotatoli bobe ali Njambe bo esekwa klisto, njekende ali mosekwisa te, ekala bo bagwa bamiti sekwa te. ¹⁶ Te ngasa ekala bo bagwa bamiti sekwa te, Klisto koko alisekwa te. ¹⁷ Pe Klisto asekoiti te, edemeli enu eli ngasa, olini oko ta masumu ma nu, ¹⁸ Pe na boe naikina poji ba bagwa atei e Klisto bali babongake. ¹⁹ Ekala a bomoi ibu bolikyaka so ta Klisto, Boli bato ba wa bono bato basusu. ²⁰ Kasi iya boleye, Klisto asekwi atei e bagwa, ali mbuma e boso atei e bagwa. ²¹ Te ngasa, poji bo yogo elongi na moto, eli naikina na njia e moto lisekwa li bagwa liluwa. ²² Pe elenge e gwaka basusu atei en Adama, na elenge emoti basusu basombobi na bomoi atei e Klisto, ²³ Kasi omoti omoti ta molongo monde. Klisto elenge e mbuma e boso, ngongo iba bali ta Klisto, ehele e boluwa bonde. ²⁴ Na ngongo suka eluwaka, ehole e sombijabi yo bokonji ali Njambe pe Tata, ngongo ji bobeja bibongiseli bisusu, bokonji bosusu pe nguya esusu. ²⁵ Te ngasa esengeli alie bokonji kino aise banguna basusu atina ji makaka mande. ²⁶ Monguna osunga iyo obejamabi, eli yogo. ²⁷ Njambe, na boa, aesi bosusu nase ji makaka mande. Kasi tango ebalaka yo bo esusu eli botosa yo, eli soti bo iyo o titija leka losusu yo alongejami. ²⁸ Pe ehole etitaka leka bosusu a nase e nde, na boa mwana yo mene atosabi na iyo otitija a nase e nde makambo masusu, na tina bo Njambe alae isusu na bosusu. ²⁹ Na elenge ekina, ekolea iba babatisamaka poji yogo? Ekala bo bagwa bata sekwaka mene te, poji yene bali bosabatisa na tina ebu? ³⁰ Pe iso, tina ndani iso loli bogwa ehole emoti? ³¹ Maswi masusu nanja bogwa, nali bo emeka, ba ngene, na njia e kembo iye elino tina embi mokonja, atei e Yesu Klisto Kumu osu. ³² Ekala ta bomoi bo bomoti bo na naki botemala batito a Efese, mbano ndani ehulaka ali mbi? Emiti la bo bagwa te ba sekwe, boyake pe bo mwake, te ngesa pima bogwaka. ³³ Po ta koseani na tina e mina te: masangana mabe makabeje bijalela bipele. ³⁴ Ta sombejani ali no bene, elenge eli bopele, pe tekoni lisumu te; te ngasa atei enu bakina bajebiti Njambe, nabalaka atina e soni enu. ³⁵ Kasi omoti abalaka: elenge ndani bagwa basekwa, pe na mokuku ndani bosomboko na bo? ³⁶ Mojangi mayele! iye e inaka we eta liyaka bomoi, ekada bo e gwiti te. ³⁷ Pe iye onaka, editi bo mokuku mo botama; edi mbuma ngasa, mo ndongo ngasa, to mo mboto ekina; ³⁸ na ekina Njambe amopi mokuku elenge ndenge epalaka yo, pe na mboto emoti na emoti api mokuku iye mobwani nayu. ³⁹ Mini misusu miditi munu momoti te; kasi okina edi munu mobato, okina edi motito ba mako manei, okina edi mo mbulu, okina edi mo swi. ⁴⁰ Edi koko na mikuku midiko pe na mikuku mi ngondo; kasi mokina modi bongengisami bo mikuku midiko, mokina mo mikuku mi ngondo. ⁴¹ Mokina modi bongengi bo mose, mokina bongengi bo songe, pe mokina bongengi minzoto; nongo monzoto momoti akakesene na bongengi na minzoto mikina. ⁴² Na boa edi na na tina ta lisekwa li bagwa. mokuku mo inami mobopo; mosekwaka mozangi bopo; ⁴³ mo inami motiolamake, mosekwa mo kembo; mo inami molengemeke, mosekwa molumake na ngulu; ⁴⁴ mo inami mokuku mo tito, mosekwa mokuku mo mwembo. Ekada mokuku mo tito omoti, edi koko na mokuku momoti mo mwembo. ⁴⁵ Na tina ekomama: momi o boso, Adama, amei molimo mo bomoi. Adama o ngongo amei mwembo mo bopa bomoi. ⁴⁶ Kasi iye edi e mwembo edi te e boso, edi iye edi tito; iye edi mwembo eduaka ngongo. ⁴⁷ Momi o boso, o donga ta kpoto, adi o kpoto; momi o babae adi o diko. ⁴⁸ Elenge yena edi e kpoto, elenge yena edi koko ba kpoto; pe elenge yena edi e diko, elenge yena koko edi ba diko. ⁴⁹ Pe ameti bo botomba elilingi e kpoto, botombaka koko elilingi e diko. ⁵⁰ Iye ebalaka mbi, bangene, edi bo munu pe makiya makokiti te bosangola bokumu bo Njambe, pe bopo bota sangola te bozanga bopo. ⁵¹ Inja, nabaleakano libambami limoti: bogwabiti so basusu, kasi so basusu bohombanabi, ⁵² na ngonga emoti, na boboma bo diso, na boyuli bo kelolo e suka. Kelolo eyulabi, pe bago basekwa bazangi bopo, pe iso bohombana. ⁵³ Te ngasa esengeli bo mokuku moha moluae bozanga bopo, pe bo mokuku mowa mo yogo moluae bozanga yogo. ⁵⁴ Ehole ye mokuku mowa mo yogo molua bozanga yogo, pe bo mokuku muha mo yogo moluaka bozanga yogo, na boa ekokejamabi liloba li likomama: yogo emeami atei e elonga. ⁵⁵ O yogo, elonga ewe edi djo? nzube ewe edi djo? ⁵⁶ Nzube e yogo, edi lisumu; pe nguya e lisumu, edi mobeko. ⁵⁷ Kasi ngolu ji sombe adi Njambe iyo opaka so elonga na nzea eKumu osu Yesu-Klisto! ⁵⁸ Na boa, ba ngene ba mbi bapalani, dani bopipo, dani ngwi, bokoko bopele diko di bopele mosala mo Kumu, bojebakabo mosala monu motada ngasa atei e Kumu.