¹ Polo na Timote,bamanga ba Yesu-Klisto ka bato ba ka Yesu-Klisto ba bale ka Filipoyi,na bokpeke na bato ba eteya ² do bete: mbali pe bode alina bonu doka Kunzi abesu pe na mokpe Yesu-Klisto! ³ Na sisale mbali ka Kunzi mongeme na nkemano waazu wa nabati na kwa engbonu, ⁴ na di,ka mabolo na kwa engbonu, ⁵ bete na wanisi sote engomena ya ma vale na kwa ya noo wa Kunzi ,do pa mone wa mbola ti lo. ⁶ Na bwisami bete mabondi ka ngbonu nsole onza we a dee sato onza na mone wa Yesu-Klisto. ⁷ Ange meni bete nakeme gobe na kwa engbenu baazu,na kwa bete na mokumba le ka ngame kalema,alia kangame ka bagbe,alia kadeto pe ka ebwiseli ta noo wa Kunzi bonu baazu bamo la mbali emoti gobe me. ⁸ Na kwa bete Kunzi ale waniso bete namo bayi bonu baazu no le babato la Klisto-Yesu. ⁹ Ya me kongale ka ngame ka maboloni,ale bete le babato le ngbonu apingi na yipe ya kwa ¹⁰ na kwa ya yipe ba kwa be nzanza,na kwa bete ma bonge pe mazonge kwa mone o Klisto abia, ¹¹ atumi na mbwe ya ale ka Yesu-Klisto,na bomonge pe na le yena la Kunzi. ¹² Na bale bete mayipi,ba mamane,kwa ya edeli me azi bete noo wa Kunzi a gene mbola. ¹³ Na gobe,alia kabakumu gobe soi yaazu,moto ma bungaki bete pama kwa ya Klisto ndi bekandi bagbe, ¹⁴ bamamane bobwa ka mokpe,babalu ngwi na kwa ya bagbe ye,babwi melemu wa zangi boo na kwa ya noo wa Kunzi. ¹⁵ Bodana,ale gobo,bawane le noo wa Klisto nia nfio pe na sumue ma mbolo,kani bodana bawanele na meleme onza. ¹⁶ Baabe ba zale na le babato,ala bayipa bete bebisi na kwa ya nzombi, ¹⁷ kani boso buobo,babale na sumue ma mbalo,bayipi sale kwa ya Klisto na meleme onye wa nkemana bete bodokika ngame ka bagbee. ¹⁸ Songo aliapatee? na ndenge yaazu,alia menane alia go epena,Klisto kayipani kedeto: na le na sote, pe na tomato na sote goto. ¹⁹ Na kwa na yipi bete kwa yiya apana le woa le ngame,mbali ya maboloni mo ngbonu pe na legameli la sumue ma Yesu-Klisto, ²⁰ ngemeneke na mabambeneki mongame pe meleme wa na bisi wa ka na boo,kasi bete,gbene wane pe ngbele yaazu,Klisto alwato eywa kangame kanzo,na meleme maazu,alia na lewea le ngame,alia kakwa te ngame; ²¹ na kwa bete Klisto ale le woa le ngame,pe kwa na kwa engame ale kwa enza. ²² Agobe alia kwa enza na kwa ya nsale ongome bete na yenge ka ngene kanzo,na yipi kwa bete na pake kwa ya ma baa. ²³ Bekokole mpalu waazu ebali: na bale bete na gu na liina mokpe soe emoti kwa ya soiye enza; ²⁴ kani na kwa engbonu asoyi benza bete na yenge me kanzo. ²⁵ Na bwi,bete na liato na bomu soe emoti,na kwa ya lipinga le ngbonu ka ebweli, ²⁶ na kwa bete,na sie ka ngbonu,na pesi engame maluu pesi ya meyusaka na yi ka Yesu-Klisto. ²⁷ Pa bete,tangani ngito gobe angemeneki na noo wa Kunzi ,na kwa bete,songome biya na momena,songo na lia mayi,na lembele bete na moo bete ma tangale na sumue moti,ala madwa na meleme amoti,na kwa ebweli ta noo wa Kunzi, ²⁸ do bete kamali na boo ba moto ne pa emoti baba komole kwa ye,na kwa engobu ale le wumana,kani na kwa engbonu ale le woa;do ka Kunzi, ²⁹ na kwa bete maluu mbali,ya dika Klisto,ka pa na kwa ya bwe ka ngee, kasi na kwa ya mwe mpasi na yi soi emoti, ³⁰ a ma sunga nkando wa ma emeni me nakpota pe bete momole panda na dwa.