¹ ka ngbonu, bato be luwa! gamani mandungumaki,na kwa ya bo nye ba mo tane. ² Elua te ngaa ka na tomate ,gobe engbo bakalo baito. ³ Wolo engbonu na falanga e ngbonu a kuuto;naa kuu abia nazusua le kpeta le nye na kwa e engbonu! ⁴ Mondani,npupe wa bato baba buni matia,bondele bonu moba ndi,akpolale,pe ba kpole ya bato ba ya biato basa leba matia adeseka ma teu ya Kumu. ⁵ Bonu ma likiki ngalu na sote ne lua. ⁶ Maguise momo bato bonzanza,bato buabamo mali bonu. ⁷ Lie na meleme osa,ba mamamete naku mu abia mondi,motoma kona alambeke nyee onge wadoka dodo,ala lia na meleme osaa,na kwa bete bua la mbola na yatinda alo. ⁸ Bonugoto,liani na meleme osaa bipisa ka ni meleme ongbonu,na kwa bete bie ya Kumu adese ekudu. ⁹ Ka masongelene, ba mamame,na kwa bete bonu ka ma gwi neelipi: mondani,Kumu ma ngbange a dese ekudu. ¹⁰ vani,ba mamame,na kwa ya menise wa kuwa pe meleme osaa wa ba ba sangi ba Kunzi ba bapaki na lina la Kumu. ¹¹ mondani,topatale bato ba sote bato babalii na meleme osaa. Ma moyi ba paki na kwa ya meleme osaa wa Yobo, pe mameni gobe Kunzi asungi nayi ,na kwa bete Kumu atumi na bodoki pe na bonzaa. ¹² Mbole wa ba kwa yaazu,ba mamami, ka ma tene seleka ka golo songo ka se,songo na kwa emoti gobe. Do bete buwe engbonu alii buwe,kome engbonu alii kome,na kwa bete ka ma gwi nee lipi. ¹³ Moti mo ngbonu nda m'bengo? Do bete a nkonge Kunzi. Moti mo ngbonu nda ka sota? do bete a lembe maambo. ¹⁴ Moti mo ngbonu nda ka engale? Do bete omaa ba Bakumba ba Kunzi,pe bete ba Bakumba ba nkonge Kunzi na kwa engee,ba ntimaki ngwa na lina la Kumu; ¹⁵ maboloni ma ebuweli owoosato bato ba engale,pe Kumu oma misato;agobe aza kwe enye Kumu abinakato. ¹⁶ Binaka nani pe mabolone moto na dee,pe makonge Kunzi na kwa ya bodana,na kwa bete mawe. Maboloni ma moto monzaa ale na ngwi. ¹⁷ Eliya alii moto pa gobe bosu: akongi Kunzi na kwa bete mbuwa ka ka loo,pe mbuwa ka loyi ntinde wa mbuwa esaalo na tembe motoba. ¹⁸ Akonga goto, pe golo apa mbuwa, pe do te abooto mbwe engee. ¹⁹ Ba mamame,agobe moti mo ngbonu agi na dii na kwa ya Kunzi, pe modana ansisi ka pesi, ²⁰ do ayipi bete moto ma ansisaa de ma a gi na dii ewoosa ka kuwa pe adiya ba kwa enge enyenye ebuwa.