¹ Bambalo,na wamane adole nano? ka bete ba posa enyenye eye du sele ba kumanu? ² Ala wangeke, pe kolule;bo leemoko bato ewangeke,pe boluute;bole na wamane pe kando,pe boluute,na kwa bete bokongelee. ³ Bokongale,bolule,na kwa bete bokongale enye,akwa bete bosepelise ba posa engonu. ⁴ Botaba yanga na bakabo ya bato! biyipa bete Kunzi a kamito lebabato ya n'ngalu? Mabayi le babato ya n'ngalu alia bakule ma Kunzi. ⁵ Bokemi bete makololeki ade la pamba? Kunzi ale na lenkomi na kwa bete Sumi ma Kunzi alibi ongbosu. ⁶ Abwisi,ntango okina ,mbali ye eyuwa;ndi tina uwa makoni apate:Kunzi abeli bato ma emena,azaka mbali na bato ba be kisa. ⁷ Ekisa mbolo ma Kunzi;mamele zabulu,pe agia mayi na bonu. ⁸ Betindi biya Kunzi,pe iabiato ekudu na bonu. Bososa mabo mongonu,bonu bo zaga bakwa benyenye;bo kiese meleme ogbonu,bato kana tina. ⁹ Bomoeni bodogi mo gonu;boli na soe ya kwa pe ba misolo;tepe ogonu apase kwa, sai egonu epase bodogi. ¹⁰ Ekisa mbola ya Kumu,iebasato bonu. ¹¹ ba mamame, Kamapakane ba kwa benyenye. Mapaka kwa yanye na kume,ma sambisa kume,apagi kwa yanye magbeseleneki. pe,abeli magbeseleneki,a gobe obeli magbeseleneki,komandele magbeseleneki. ¹² Mangene ma kwa ale pa moti,ale moto mo aweisa peamolo;we,olekane,okisi mamana elipi? ¹³ Owemo,opakale:eloto iyo tagia ka ngimoti gwe,ta soisa mbula motiko,tateka ba tomate,pe ta yaya! ¹⁴ Bonu boiyipe le kwa ye ya bia iyo! bomoi alepa enga? Wa epipo ma sole ngonga moti kuduto, ka tutu alimwa. ¹⁵ Ta koki ta paga, gobe; a Kunzi aba,ta za gobe ta gobe . ¹⁶ Gbene wane emena te gbonu na kwa benyenye. Ba kwa benyenye be basale. ¹⁷ Moto ma yipi ze kwa benza ka zele azale kwa enye.