¹ Aoholi'oka bayokitsakitsa eneka bakesi'akambo koko bahoka, bahike, bayale mbolimboli la nkamba ekambwa en'olotsi, ² batatangake boto lotango,bayale loongopolu,balole la ndjokitsakitsa eneka bato bah'oatu. ³ Latsin'oka iso nk'oho, toyalaki boso bileme,biinda ba lihiko,banaungaki, banalolaki liuno behetu bya mposa y'oowe la bikiko biokotua l'okotua, banaikaki l'ongeno la mposa biike,banakolioka balaoke bowe, koko tookanaki bowe iso'amene l'amene. ⁴ Ohonde, enesike engoyotumia bokoka bona Ndjakomba boiki bona bato bahatu koko lolango lonande, ⁵ atiikyaki, etayala latsin'ena bikambw'iniso biolotsi binikis'okambaka, ohonde nko la ngandji enande, nko la batisimo ba mbotualaikina koko m'bandelama ena Sipilito e'Osantu, ⁶ lonok'ende ososolaka ekambwa enekiso la mbok'ena Yesu Kilito Boiki bon'iso, ⁷ latsin'oka, ndjokakola la ngandj'enande, iso tohele, la lokanyi, basangoli ba loiko la litsuela. ⁸ Yohi line liyali nko sosolo, koko nalangand'oka iimelye baoi baho, latsin'oka banaimelyaki Ndjakomba bayohe la nkamba bikambwa bi'olotsi. baoi bane balend'olotsi koko baata litsina eneka bato. ⁹ Ohonde kila biuho benehana litsina, bimatsako bioto, l'oyase, koko la ntembe en'eleka; latsinoka baoi baho bahana litsina mene. ¹⁰ Oyohendjia, mbus'ena likebisi lios'o la lin'aahe, lina yaholia n'kahuana, ¹¹ la mbeyo'oka omo'oto onole lun'oho amolunga,koko akambe pekato, la ndjokesela etumbu ende'amene. ¹² Bisike bingemi'okotomela Alitemasi yombo Tukiko,kamba lotsil oyi oyuukan'emi ena Nikopoli; latsin'oka aho nd'enekemi'olangak'oka mbetse esik'enami ¹³ Ongya nkambya Zena ena lokendo lonande, beeyi b'eleka, koko Apolosi, luun'oka batongooyinda bolemo. ¹⁴ Eonga nd'oka baaniso n'koho bameke nkamba bikambwa biolotsi latsinoka ly'ate toma tona taat'iso mposa, latsin'oka bahatsu'oyiinda mbota bemuma. ¹⁵ Iyo'atu banayali l'emi bakosangela. Sangela nkoho banatolanga ena ntoto ea eimelyo. Tsikoka ngandji eyale lino'atu!