¹ Eyenga ta mampa mokaa na dege bhamaa ete Pasika, adende ebina. ² Bhanganga Nzambe bhekpekpe pe bhandombe bhalinde bhakabha ndenge esisina bhanmo Yezu; na kwate bhalinde bhobhanga bhato. ³ kasi, Sumui ayingiando a enmeleme wa Yudasi , mo bhamayi ete Isikalioti, mo alindesoemoti na bhazumi namibhale. ⁴ Pe Yudasi agea awonono na bhangangaNzambe bhekpekpepe mokonzi ma bhasinzili, ndenge esisina yi anteka. ⁵ Bhedhengeleaga ndo, pe bhawonono ete bhampe yi lemnaale. ⁶ Ge bhabhuliani, bhalinde bhakabha kwa enza abhongi nabhu ete bhanbhande Yezuna enkpengbe ete entutu wa bhato kaabhayibi te. ⁷ Biti ya mampa moka na dege te , ye bhanmo Pasika ade, ⁸ pe Yezu oteya Petolo na Za, apaga: geani mayambe Pasika, nakwate tanye. ⁹ bhanmosiando: Obha ete tanyambe wane? ¹⁰ Osisia: Mondani, n'edheli mayingia na gbata, mandongbanandle na moto omoti abendeyi mbee ya libha; ogugani ti angbale ayingia aso, ¹¹ pe mampaga mangina ngbale: Molakisi opaga ete : Soe sina ye nanya Pasika na bhayekoli bhongame? ¹² Pe amowanisiandele ngbale esi koogo, na bhakiti: wo nde manyambandeele Pasika. ¹³ Bhageando, pe bhatanea bhakwa bhayaazu ge nde yi otangusagi; pe bhanyambando Pasika. ¹⁴ Saa akukando, yi epiando a mesa, pe bhapostolo soemoti nayi. ¹⁵ Opagando: Nabhayi mingi penza nanye Pasika mo soemoti na bhino ambola ete nawoo egoni, ¹⁶ nakwa nale namopaga, tenyendele goto te, ti ge angemeneagandele a legoto la Kuunzi. ¹⁷ Pe, o avi kopo pe ankumisi Kuunzi, apaga: Vani kopo ye, pe egbaleani kati-kati engbanu; ¹⁸ nakwate, nale namopaga, tenindele goto bhanda elo mbuwe ya vinyo,ti legoto la Kuunzi ade. ¹⁹ Antinde yia an'vando mampa; pe antinde sambelee, anbhuna, pe opabhu apaga: Ye nde nzoe engame, ye napi nakwa engbanu; zani gendi nakwa malelaagage. ²⁰ Ava go ndenge emoti kopo, antinde eyeli, pe opabhu, apaga: Kopo ye nde lekanda lenzongoya bhango engame, ya adhuanagi nakwa engbanu. ²¹ Pan'edheli uye mondani, ebhoo ta moto maaleteka ale naame amesa mo. ²² Mi ma moto ndagea ge angemeneagi. Kasi bhodogi na moto mo anteki! ²³ Pe bhabhanda bhemosia bhu na bhu kane mo kati-kati engabhu azandele kwa yo. ²⁴ Matata ayingia lokola kati-kati ya bhapostolo: kane mo ankpoto engabhu abhongi ete bhanve yo okpe? ²⁵ Yezu opaga: Bhamogoto bhamokilibhokonza, pe bho bhonyokola bhu bhomaa ete bhagamisi bhenza. ²⁶ Ka kali ndenge emoti na bhino. Kasi mo okpe ankpoto engbanu ali ge mi mokedhe, pe mo akonza ali ge moto ma ensale. ²⁷ Nakwate kane mokpe, mali a mesa to mado na eyeli? Kana ma ali a mesa? Pe me,maguinda, nale ankpoto engbanu ge moto madoo na eyeli. ²⁸ Bhino, male bho bhali na enmeleme okpekpe naame a enkando ongame; ²⁹ Kwayiande napi legoto na bhino, ge Abame alepi me, ³⁰ nakwate mayayee pe mani angame a mesa a legoto lengame, pe mepii a legbangba, nakwa matene ngbange ya mapiga zumi na mibhale ma Izalayele. ³¹ Kumu apaga: Simoni, Simoni, Sumui okungi nakwate otu abhia ge loso. ³² Kasi nasambili nakwa engo, nakwate bhondimi bhongo kagui bhole pekedhe te; pe we, n'edheli opaasa enmeleme, obibisaga bhamamabha. ³³ Kumu, Petolo ampaga, nabhuyi to ete nogugi we ata na boloko to nakui. ³⁴ Pe Yezu apaga: Petolo, nale nopaga, koko kadhele elo te ete olobela mbala esalo ete koloyibi te. ³⁵ Opaga goto: N'edheli nde namotii ata na lekete te, embe te, pe ata katala te, mazangi tonde tomate? Bhansisiando: Te. ³⁶ Pe opagando; Maguinda, ndenge yaada, mali na lekete ave pe mali na embe ave lokola, mo kali na lebando te awengee ngombe enge pe asombe lebando. ³⁷ Nakwate, nale namopaga, akongale etelekpeta le bhakologiangemeneage naame: Bhan'bisi soemoti na bhato bhene. Kwa ya alemondeleagi me ale adoo ete azanane. ³⁸ Bhapagando: Kumu, monda mabando mebhale ndubha. Pe opagabhu: mo akuki to. ³⁹ Antinde yia ge apupi, agea, ge yi ayibani nayi, a gang ale ya Olive. Bhayekoli bhonge bhan'gugando. ⁴⁰ N'edheli ade a soe yo, opaga: Sambeleani nakwa magui na mazoloni te. ⁴¹ Antinde yia esesia mayi nabhu ge bhadheta lebogo na ebhoo, pe o agbumagi, asambelea , apaga: Aba, o obhayi, tusa ebina naame kopo ye! Atapago, kakazanane enmeleme ongame, kasi ongoo. ⁴³ Nakwayia, modokoogo omoti apupa a engali nakwa an'bibisagi. ⁴⁴ Ge alinde a egoni, asmabelea nakwa ekpekpe, pe bhozo bhonge bhadege bhango nde ekandagi, pa adhoa na dhodho ⁴⁵ O amasii sambelee, ayama, pe adoo bya bhayekoli, otanea bhalali na bhodogi, ⁴⁶ pe opaga: Kwasina malala aso? Yamani pe sambeleani, nakwatemagui na mazoloni te. ⁴⁷ Page alinde adhela sino, mondani, entutuwa bhato ade; pe mondebhali bhanmaa ete Yudasi, omoti ma bhazumi na mibhale, alinde atnga ambola engabhu. Esesia ebina nayi, ete ankpomeage. ⁴⁸ Yezu ampaga: Yudasi, nakpomeage nde onteki Mi ma moto! ⁴⁹ Bhonde bhalinde na Yezu, pa bhamena kwayio, bhapaga: Kumu, tokpote lebando? ⁵⁰ Omoti mongabhu ankpoto moto ma ensale ma nganga Nzambe mokpe, pe atena etewu tenge ta ebhalo. ⁵¹ Kasi Yezu, awua enoo, apaga: Dhoni, dhoni! Pe, geapoti etewu ta moto mo, an'wuusa. ⁵² Yezu opaga na bhanganga Nzambe bhekpekpe, na bhakonzi bha bhazamo bha tempelo, pe na bhamboo, bhonde bhadu ete bhanbhande: Madu, opaga ete male man'guga enkukubhe, na mabando pe na engbangba. ⁵³ Nalinde bhabiti bhayaazu soemoti nabhino a tempelo, pe maalebhandi te. Kasi wane nde saa engbanu, pe nguyi ya en'dhidhi. ⁵⁴ Antinde bhande Yezu, bhagea nayi, pe bhabengea nayi na a ngbale ya mokonzi ma bhanganga Nzambe. Petolo alinde an'gugaga na mayi. ⁵⁵ Bhapeyisando bhogu ankpoto ya ensenge, pe bhepia, Petolo epia na bhu soemoti. ⁵⁶ enka omoti ma ensale, mo anmeni ge epi ebina na bhogu, anmonda a ngbata pe apaga: Kana molo mo alinde nayi soemoti. ⁵⁷ Kasi abela pa apaga: Enka mo, me tenyibi yi te. ⁵⁸ Antinde ekedhe pato, maada ge anmeni, apaga: We lokola moto ma bhato bhyo. Pe Petolo apaga: Molo, me taale na bhu te. ⁵⁹ Asoo sa emoti, maada asisiliaga kwayia, apaga: Solo-solo molo mo alinde nayi lokola, nakwate ale mo galilea. ⁶⁰ Petolo ansisia: Molo, me teyibi kwa ye opaga bho. Pa n'edheli yia, ge alinde adhela, koko moloyia akekelea. ⁶¹ Kumu, epaasa , anmonda Petolo. Pe Petolo alaa kwande Yezu ampaginde: ambola ete koko akekele elo, olobleolandele mbala esa. ⁶² Pe ge apupi, agea agama nakwaekpekpe. ⁶³ Bhato bhonde bhalinde bhanveveleaga Yezu, bhalinde bhankabheaga, pe bhan'dopo. ⁶⁴ Bhan'kandeaga miso, pe bhanmosia, pa bhapaga: Etangusiaga kane mo odopi. ⁶⁵ Pe bhankpana na ndenge ebuwa. ⁶⁶ O esa asi, lingomba la bhamboo, bhanganga Nzambe bhekpekpe pe bhandombe, bhandongbana, pe bhankumba Yezu angabhu tilibinali. Bhapaga: ⁶⁷ O oli Klisto, etangusiaga, Yezu osisisa: Ata namopaga, maabhuyi te; ⁶⁸ pe, o namomosii, go malesisii ndele te. ⁶⁹ Bhanda elo Mi ma moto epiandele a ebho ta ebhalo ta nguyi yaKuunzi. ⁷⁰ Bhaazu bhapaga: Wew nde Mi ma Kuunzi? Pe osisiaPage mapagi, me Mi monge. ⁷¹ Antindeyia bhapaga: Etee takabhaga goto et moto adu apage? Tawoyile bhiso bhemoti ange annoo