¹ Yezu, abhasa miso, omena bhazui bhalinde bhapa lekandi lengabhu a koko. Anmena lokola malekwe omoti mozanga, abisa pooni ebhale. ³ Pe apaga: Nale namopaga na soolo, malekwe mo api osoo bhato bhaazu bhaada; nakwate ali falanga ye osoi bhu nde bho bhaazu bhapi lekandi naa koko, kasi malekwe mo api pa ye alinde ete ansalisi yi nakwa abhiki. ⁵ ge bhato bhaada bhalinde bhadhela nakwa mabogo menzanza pe lekandi lende ali angegisa tempelo, Yezu apaga: ⁶ Bhabiti ya adoo, na bhasoe ye mamenayo, katigande ata lebogo agunale lebogo ete bhaafotogi. ⁷ Bhan'mosiando: Molakisi, kwayo adendele n'edheli sina, pe elembo sina tayibandele ete bhakwa bhayo ndi adoo? ⁸ Yezu osisia: Emondeleagani nakwate bhamozologe. Nakwate bhato bhebua bhadoondele na lina lengame, pa bhapaga: Ale me, pe edheli adele ebina. Ka man'gugi te. ⁹ N'edheli mawoo sangi ya enkando, pe tomboge, kale mabhange te, nakwate, akingaete bhakwa bhayo adee ambola. Kasi kali sinon sunga. ¹⁰ antinde yia apaga: Lepiga lemoti an'bengeleaga lepiga laada, legoto lemoti na legoto laada; ¹¹ dhoote ayongomanandele, pe, a bhasoe bhedidi, dhutu pe nzaa, bhakwa esisi azananandele, pe bilembo a koogo. ¹² Kasi ambola yaazu yo, bhamobhandandele, pe bhamodhaagandele, bhamosongeleandele a bha sinagoga, bhamoyingisagandelea boloko, bhamokandaga ndele bhagbe ambola bhamogoto pe bhamondele mboka , nakwa lina lengame. ¹³ Kwayo amodelea nakwa nakwa made ge elembo. ¹⁴ Yibani nangbanu a emoe ete kamalaa ndenge ya sambe te; nakwate namopandele enoo na ndate ye bhakukula bhongbanu bhaalui yame te to page kwa ene. ¹⁶ bhamotekandele taa na bhaabanu to bhaamanu, to bhamamabhanu, bhakumabhanu pe bhapombodanu, pe bhomo ndele bhato bhebua kati-kati engbanu. bhato bhaazu bhamokomondele ; nakwa lina lengame. ¹⁸ Kasi ata tuate temoti te kaguindele angbanu an'emoe.19 Pa na enmeleme okpekpe ongbanu nde mawuusandele molilo mongbanu. ²⁰ N'edheli mamenandele Yeluzaleme bhanlingi na bhasoda bhadidi, yibani ete engamo onge adele ebina. ²¹ , Nakwayia, bho bhaliandele a Yudea bhate naa agangala, pe bho bhali ankpoto ya Yeluzaleme bhapupi, pe bho bhalindele na amtya kaabhayingi goto na gbata te. ²² Nakwa te aliandele biti bhakule, nakwa angemeneage ya bhakwa bhayaazu ye bhakologi ²³ Bhodogi na bhakabha bho bhaiiande bholungisa bhami biti yo. Nakwate, kpongo moosi adendele angi, pe kangi nakwa bhato bho. ²⁴ Bhagwandele na makonga, bhobhandandele lemanga ankpoto wa bhadidi, pe bhan'dhetaga Yeluzaleme na matindi na bhamokili tii biti edheli ya mongiime akukandele. ²⁵ Bilembo apupandelembe pe na bhanyonge. Pe a dhodho, bhoo ayingiandele na mongime bhayibindele kwasina bhaza, ge libha la enkwe angbua pe libha adhaa, ²⁶ bhato bhatena enmeleme na bhoo pa bhalambea tomate tapupandele a dhodho; nakwate nguyi ya engali ayongomanandele. ²⁷ Antinde yia bhanmenandele Mi ma moto adoo agunale ndutu na nguyi pe lekumu lesi. ²⁸ N'edheli bhakwa bhaye abhanda ade, yamani koogo pe bhasani emoe engbanu, nakwate woe engbanu adele ebina. ²⁹ Pe opaga kingisiage: Mondani figia na mbaso yaazu. ³⁰ O abhandi tae, mayiba bhino bhemoti, ge mamena, ete sanga adele ebina. ³¹ Ndenge emoti, n'edheli mamenndele bhakwa bhayo ade, yibani ete legoto la Kuunzi adele ebina. ³² Nale namopaga soolo, lekopo le kaso bhole pekedhe te, ete bhakwa bhayo bhayaazu ade. ³³ Engali pe dhoote asoto ndele, kasi lekpeta lengame kaasondele bhole pekedhe te. ³⁴ Emondelegani bhino bhemoti, nabhoo ete enmeleme ongbanu kade kilo pa na eyeli pe maana, pe na lae bhakwa ya mokili, pe bitiyo kamodele bhinogo mayibi te; ³⁵ nakwate adendele ge ekpia agunale ya bhato bhaazu bho bhali adhodho. ³⁶ Wuani miso pe sambeleani entago waazu, nakwate mali na gnuyi ye mawoa a bhakwa bha yaazu ya adendele, pe mapupi mayama koogo ambole mi ma moto. ³⁷ na enmone , Yezu alinde awanisia a tempelo, pe alinde agea ayanga na biti a gangale bhamayi ete gangale ya oliva. ³⁸ Pe bhato bhaazu, bhanda esa, bhalinde bhagea a tempwlo nakwa bhan'woo.