¹ Mekonzi, tongeli basali baino masala maloo na lelengo lemoti, na bosiyo mboo enu abo bombe na mokonzi ta lobola. ² Butohainya malombi, engeli na mafao ma botombi. ³ Lombeli lita laiso, lita Mungu alifolele esu ndole ya yohi lainde, mbo nekolane botondoli maita ma kilisito, maneni maselile emi ta menyololo. ⁴ Na bolembelesi moo lelenge lebaya aboni emi. ⁵ Mbiu na bowala ambe baito ba mbeli, na boangatali na lekeka. ⁶ Hainya maohi maino mambe feo na botombi na lyehe la mokpa, lita la boobi lelenge lá bwineselani maohi. ⁷ Tichike, mooli mwelo, mwimeli, mosaali mwa Mungu, motaku naami ta lisala la Aongo, eobesa aboni enu maneni maitilé emi. ⁸ Naatomá yé na lesela ambe enu, mbo boobe buumi bwaiso na afafe metema myaino. ⁹ Naatomá boo na Onesime, mwimeli na mooli mwelo, ononi ya baino, boebesa aboni enu hineni imbe itongemo emi. ¹⁰ Aristarque, motaku nami mwa bayaka, apaya enu, na Malako mwelo ya Balaba, hineni ya boole enu lotomo (Ambeke eya ambe enu, yambi yee); ¹¹ Yesu, ononi eetema Justus, apaya enu. Bambé ta lofalo lwa baito batenemile tooto, baneni batongile na ami lita la bokonzi bwa Munga, bambelé ambe emi bofafemi bwa motema. ¹² Epaphras, ononi yaino, apaya enu: mosali mwa Yesu kilisito,ihainyilé enu ta malombi, mbo bombee na lebongu bwemaleli boolesi manaaho maa Mungu. ¹³ Lita nembe ne obesa enu felo ya Mungu mbo, ambe elombela obooya lita laaino, na bálaodikiya na bá hierapolis. ¹⁴ Luka, monganga mooli, apaya enu, na Damas abó. ¹⁵ Payaa batungani bambé tá Laodikiya, na Nymphas, na lifambani limbe taa mbele yainde ¹⁶ efalemo aboni looto loneni hainó, tongi bokpamu mboo lofalemo abó ta lifambani lá balaodikiya, owalo hainó abó bofale loneni loya aboni tá Laodikiya. ¹⁷ Beya na Archippe: Angatalá na lisala laa boola aye ambe Aongo, mbo osale loo na lelenge la leloo. ¹⁸ Emi Polo, napaya enu, na booho bwami. Luhanyi bokuwani bwami. Hainya botombi bwa Mungu bombe naino.