¹ Owalo Baelo batoome, loombi lita laiso, litalambo yohi la Aongo limwangane, angombo lifamé longuma ambo embelo ambe enu. ² litalambo toluhe na mbeo mbé ya looso, baito fee bati na bwimeli. ³ Aongo ambe ngiaa, ambe efa enu lwili na botambi enu ta obé. ⁴ Tombe na bwimeli ambe Aongo lita laino mbo botonga na botonga boni maita mane maibesa esu enu. ⁵ Aongo aendese metema myaino na loundo lwa Mungu na lwili lwa kilisito. ⁶ Tombé toobesa enu, baelo batome ta liina la Aongo yaiso Yesu kilisito, bombé holá na baana batoome fee bane bambé na yenge bane biila boyambi malaho mane mibolile ambé esu. ⁷ Boobilé enu bangene, lelenge lekolanile esu botwutweli enu, litalambo tuyamba naino letayi la yengé. ⁸ Tuya lá tolembo twa baito lekaka, owalo ta lisala na motulungi, twamba ho etiyo looha. ⁹ Atimbo tokolana bombi na lebu, owalo twananga bofi enu ambe esu bangene lelenge la botwutweli. ¹⁰ Lekeka lambá esu ambe enu, twabeya naino mbo: ambeke moto iyananga botongi lisala, itola. ¹¹ Litalambo toowá mbo basiya letayi laino bambé beenda na yengé, bitongilé masala, feo nga mbeo mbe. ¹² Twatá baito elo, owalo bafafemo na Aongo Yesu kilisito, boli ilembo, lita batonga lisala likpamu. ¹³ Ambe enu baelo batome, buto hainya botongi oloo. ¹⁴ Ambeke moto iyaolesa hine yabeya esu ta looto lone, siya ye, owalo utobeyana nainde, litalambo aowe yombi. ¹⁵ utwena ye ambo mofelani, owalo obesa ambo mwelo. ¹⁶ Hainya mbo lehai la Aongo lembe naino bikeka fee, nambea bilenge fee! Hainya Aongo ambe na enu! ¹⁷ Emi Polo naa paya enu, na booho bwami. hiyo imbe lisihi laami ta ngoto fee; aloo nde asiya emi. ¹⁸ Hainya botumbi bwa Aongo Yesu kilisito bombe naino.