¹ Polo, Silive na timote ta lifambani la Batesaloniki, bambe na Mungu Isee yaiso na Yesu kilisito Aongo. ² Botumbi, na lehai la Mungu lefamele enu letayi la mungu isee yaiso na Aongo Yesu kilisito. ³ Ekolanile naino bousoli Mungu bikeka fee na botumbi bwwaa Mungu na imbe tondoyo, litalambo bwimeli bwaino bombe bokowa, naa loundo lwa omoti ambe basiya, bombe bolila oboya. ⁴ Owalo esu, tofefe mungu yaiso ta mafambani má Mungu, lita la lwili lwaino letyi la bwimeli bwaino na metulungi na myundu fee mene myabola enu. ⁵ Hine y'obesa lisambi laomoongo la Mungu, litalaambo bosambesame boolo ta mwano mwa Mungu mone mombe na motulungu. ⁶ Yenenile ambe Mungu mbo bofii muundu ambo lifao la bané laowesa enu myundu. ⁷ Owalo bafama boni baenesani myundu leohomelo naiso, lekeka Aongo Yesu eomoha ta lobola na mwenda mwiemalile mya lwili. ⁸ Letayi la lolame lwa hibé, lita la bofii itumbo ambe bane bitobile Mungu, na bane bitimelile yohi la Aongo yesu. ⁹ Bobola boni, liboli, lisehanilé omoongo na bohahani, bofilingani, hola na moonbo mwa Aongo na longuma lwa lwili lwainde. ¹⁰ Lekeka leya yé na longuma, lisé laho efefelama boni na booli, owalo imelama boni na baoli fee. Lita la itimboli ya iso felo yaino, yaimelama na bwimeli. ¹¹ Lolo tombe tolomba maise fee lita laino, litalambo Mungu yaiso, asambese lita la baetami bwainde mbo, na lwili lwainde, mbo atungese mokano fee olo na masala ma bwimeli. ¹² Litalambo liina la Aongo yaiso Yesu liosolame naino, owalo mbo bousolame nainde, bwiti botumbi bwa Mungu yaiso owalo na Aongo Yesu kilisito.