¹ Namogbakenhi moyi howa bhayinhowa bhanganga bhakonzi bhasusu mpé na bhasuku bhangando bhakaneya simbisi ebhehu akpuya Akongo, akpulia iyo bhogwa. ² Nhingongo nha bhomonyanga, bhayi mowa, mpé bhayike nande pamba ya Pilato, Mokondji. ³ Nasima Yuda iyo moyengedja bhomoteka ayiwene bhahimotitidja, ayitubela mpé akahaamedja mbemba tuku zisantu dja bhibhende abhanganga bhakondji mpé bhasuku, ⁴ Ayébhuka: nikoyi lisumu nikabhi makiya ma moto akoyi te monkando te. bhayi mu huidja: moseyiti inso te? okhowemene. ⁵ Yuda aye nhumba mbemba teyi ya eyise ensantu, ayikhe, mpé anhanyanga na mondili. ⁶ Banganga bhakondji bhayiho mbemba, mpé bhayi bhuka ekhokiti bhoyisa mbemba djia ya eyise esantu akpulia ekhe mbemba dja makiya. ⁷ Mpé, nhingongo nha bhowene bhoyokana, bhayi yenda eyangaa obho akakhó teni, akpuya bhokunda bhagendja bhakadjonga amangando madina. ⁹ Nasima mwakhomene bhowa djea abhuka Profeta Yeremia, Profeta ayitomba mbemba tuku djisantu bhagendja Israeli bhayisa akpuyande; ¹⁰ Mpé bhayinhia akpulia eyanga ya bhoko teni, ndenge mokondji alindaa yo. ¹¹ Akongo ayisamba libhoso nha mokondji. mokondji ayi mohedjó ndenge anha: okhe mokondji wa bhayuda? Akongo ayi mohulidja obhuki. ¹² Kasi ayiwidja eyomoti na bhomo bhongeya bhanganga bhakondji mpé bhasuku. ¹³ Nasima Pilato ayi mohedjo: nangando djibho djisusu bhaka songeya otika yokate? ¹⁴ Akongo amokudjiati motuna momotite bhakondji bhaikamwa. ¹⁵ Nalipati djinene, mohondji wa ngando akayife moto wa bholoko omoti, okapa bhagendja. ¹⁶ Ekhe masima moto wa bholoko obho adjeyani, bhamobeya Barabasi. ¹⁷ Nolenge yakebho bhokasangana, Pilato ayi bhuka: nda opayinu bho bhomoyife teyi ya bhagendja bhabho, Barabasi, to Akongo, obho lihaka bheyabho Kristo Kristo? ¹⁸ Ndjokande adjeyi bhopelebho bhamopeyi akpulia lihuka. bhayi mopeya Akongo. ¹⁹ Bhanda bhusa bhanhoyo bhosamba, mwanhi ayenhowa bhobhuka atike namo nkando te pamba yawe mogendja ya bhose mbo; ndjokande bhende nioki mpasi abho hotsho amokando mawe. ²⁰ Bhanganga bhakondji mpé bhasuku bhayi linda bhagendja bhamohife Barabas, mpé bhamoho Akongo. ²¹ Mokondji ayitomba bhuka, ayibhuka: aya ifanda teye yaa bhagendjaa bhabhale? bhayi mohulidja: Barabas. ²² Pilato ayibhuka nikho eyomande na Akongo, obho bhoka mobhe Kristo? bhasusu bhayi hulidja: bhaamobhake akuruse! ²³ Bhakondji bhayibhuka: kasi akhoyi bhobhehu nde? mpé bhaye ganga nakina makasi: bhamobhake akuruse! ²⁴ Pilato, yayene ihobho olongi tite, kasi bho mobhulu mwa bhakiana, ayitomba nhuwo, aya sosa mabho amiso mabhagendja bhanene, mpé ayibhuka; nitike na mokando te makiya mabhosembo maseyi ino bhene. ²⁵ Bhagendja bhasusu bhayihudja maakiya masuniana nhiko nhasu mpé nhiko na bhangbongi djasu! ²⁶ Nasima Pilato aye ifa Barabasi; mpé, ayemo kutidja Akongo fimbo ayemokabha akpulia bha mobhake akuruse. ²⁷ Bhasoda bha mokandji ya eyise ya mokondji mpé bhayi bhasangana bhasusu phanhi nande ibho bhasusu. ²⁸ Bhayi modjodje bhisendja, mpé bhayi mowa dja bhisendja bhigbetu. ²⁹ Bhahi mowadja sapo ya ndjubhee, bhayi mowadja amo mande, bhayi mopedja ngelengele teyi ya mobho ya libhami; mpé bhayi gumba na midi libhoso nhande, bhayi moseke, na bhobhuka: mbote, Kumu waa bhayuda! ³⁰ Mpé bhayi motufeye mansoi, bhayitomba ngelengele, bhoyi mobhoma naya amo. ³¹ Nhingongo bhayembe ibho bhomo senke, bhayi djodja ekhoti, bhayi muwidja bhisendja bhande, mpé bhaike nande akpulia bhomobhaka akuruse. ³² Nhingongo ibho bayipundja, bhayitanana na momi omoti wa Sirene, bhayi mobheya Simo mpé bhayi mobheya nangunhu nowa owa kuruse ya Akongo. ³³ Yatobha bho siyo bhaka bhayi gologota, eningidji bho nsio bhohowa bhatu, ³⁴ Bhayi moneya vino bho anunge na vino yangai, kasi aye meka, kati anungeti. ³⁵ Nabho mowene bhayi mobhoka akuruse, bhayi kabwana bhisindja, na bhosana djege, bhayi khokedja bhuka ya Profeta bhayi kabwana na bhisindja bhambi mpé makando ma bhowa bhambi. ³⁶ Nhingongo bhainhaha, mpé bho mokengele. ³⁷ Akpulia bhodjea ya motitidja ibho wakoma nhiko ya móo mande: obho ayike Akongo, Monkondji wa bhayuda. ³⁸ Nsie emoti nande bhatombaa bhahubho bhabhale, omoti na nhibho ya bhami, odina na nhibho na bhani. ³⁹ Bhagendja bhayi nyoko na ndjia, bhayi mobhoko mpé bhayiningidja móo, ⁴⁰ Na bhabhuka: ayibheyedja eyise esantu mpé ayidje bhongendje na masu masantu, aheledja we mene! ingako okhiko mongbongi wa Mongai, tita akuruse! ⁴¹ Bhanganga bhakondji, na bhateya bha mibheko mpé bhasuku, bhayi moseke, mpé bhayi bhuka: ⁴² Ayiheledja bhagendja bhadina, mpé ataheledja iyomone! akanha mokondji wa Israeli atiti akuruse, mpé ya mondina. ⁴³ Ayisaki mema pamba ya Mongai; bho Mongai amohedja bhinhekhe, akha mopa. ndjokande ayibhuka: nikhe mongbongi wa Mongai. ⁴⁴ Bhato bhahubha bhanene, bhayi mobhoko ndenge emoti. ⁴⁵ Bhobhanda ngonga ya motobha tée ngonga ya libwa nhiko nhiyinda na ndebha susu nhiyinda. ⁴⁶ Mpé na ngonga ya libwa, Akongo ayi kpolowa na nhoyi nha makasi: Eli, Eli, lama sabhakhatani? ekhi djebho: Nzambe wambi, Nzambe wambi, akpulia eyomande ayenie mibho? ⁴⁷ Teyi bhagendja bhabho bhahemayihó, bha hiyoka, bhayibhuka amobhe Eli. ⁴⁸ Omoti ayipata ebhango bhotomba linuka, ayisa avino, mpé ayinga asongi ya litete, ayi monye bho anyunge. ⁴⁹ Kasi bhadina bhayi bhuka: ye, eyene ingako Eli anha moheledja. ⁵⁰ Akongo ayi kpolowa makasi mpé ayi khese mwema. ⁵¹ Mpé inse, esindja ya eyese ensantu etshana na bhiteni bibale, bhanda nhiko te nase, ndemba djika Kala, mabhikili maka leana. ⁵² Kunda djia nhupwana, bhibembe nha bhasantu bhi susuwa. ⁵³ Bhayipundja akunda, nhingongo ya sekwa ya Akongo ayingia teyi ya ngandu esantu, mpé bhayi mpundja bhagendja bhanene. ⁵⁴ Kumu na bhanhaki nande mokando akpulia bhokengele Akongo, bhayene ndemba djia ningana mpé mubho mwe nhowa, bhahelumu na bhobhanga, mpé ayibhuka solo, mogendja obho akhi mongbongi wa Mongai. ⁵⁵ Bhanhi bhanene bhaseke bhohonhi; bhake na Akongo nsie moti te agalilea, akpulia bhomosunga. ⁵⁶ Ateyi yabhu Marie Magadala, Marie, na Yaki mpé na Yosefu, mpé na mongbongi wa zebedeo. ⁵⁷ Mubho munhowa, mogendja wa kita wa arimatea ayi thobha, ayi molena Yosefu iyo mpé anhaka moyekoli wa Akongo. ⁵⁸ Ayikhe mpamba ya Pilato mpé ayihedjo mokuku ma Akongo mpé Pitalo ayibhuka bho bhamohuledja na múu. ⁵⁹ Bho Yosefu ayitomba mokuku, ayinyanganga na esendja ya bhope, ⁶⁰ Mpé ayikha bhoyi teyi ya kunda eniye, ebhe abhangedje teyi ya mabhanga. Mpé ayidinda nhibhanga monene amonhipe mainha, mpé ayikhe. ⁶¹ Maria Magadala na Maria odina, bhaye nhoha phanhi na kunda. ⁶² Bhusa bhokanhowa, bhakalengele bhusa bha sabaato, bhanganga bhakondji bha Farizeo bhayisangana nsie omoti na Pilato, ⁶³ Mpé ayibhuka: Kumu, inso inso yaleneke bho moto wa lokuta ayibhuka, tango anhaki na bhomoi: nhingongo na masu masantu asekwa. ⁶⁴ Bhayinhea mibhiko na bhakengeli bhamokengeli tée bhusa masantu, nhingongo bho bhayekoli bhanho bhayibhe ebhembe te, mpé bhayi bhuka na bhagendja: asekwi ayogo, lokuta nha nhingongo nhinyo nhaliboso. ⁶⁵ Pitalo ayibhuka: okhini na mokengeli; khe mokengeleni dje epai eno. ⁶⁶ Bhayikhe, mpé bhayi yisa elembo alibhanga, nhingongo bhayinyanga libhanga.