¹ Yama Akongo bhobhuka nabhu, ayibhuka na bhayekoli. ² Adjeni bho enhikayi masu mabhale akwe ya pâqué, mpe mwana moto bha mobhaka a kuluse. ³ Bhanganga bhakonzi na bhagendja bhasusu bhangando bhayi kho likita oteyi ya eyise ya nganga mokondji bhayi mobheya Kaifa; ⁴ Mpe bhayokana bho bhamopeya Akongo na ndata, mpe bha mohowa. ⁵ Nasima bhayi bhuka: bho etanha bhusa lipati te bhagendja bhakendjwa. ⁶ Akongo anhaki abhetania, teyi ya eyinse ya Simoni wa mabha. ⁷ Mwanhi omoti dinda phanhi nande, anhaka na molangi ma malasi, monhaki na motiya makasi; mpe, ndenge anhaki yo ameza aye mosunia malasi nhiko nha móo mande. ⁸ Bhayekoli, bhayi yene, mobhapekeya, mpe bhayi bhuka: akpulia ye akako yo bheyedja hanga? ⁹ Owa teka malasi ibhe na mbemba djinene, mpe anea na bhato bhamawa. ¹⁰ Akongo, ayiyoka, ayibhuka: akpulia yomande ekatingisa mwanhi ona? ayikho monkando bhopele mokando yambi; ¹¹ ndjakande wanhakani na bhatu bha mawa masu masusu; kasi otanhakoni nambi masu masusu te. ¹² Asuniani malasi amokuku mambi, akho bhowa akpulia bhusa wa bhokunda mbi. ¹³ Nibhuki nanu na bhosembo, siyo susu to sango mopele wa maki iyo mosambo mopele mpe bhalene, teyi ya mokili mombimba, bhabhukabaa mosambo mande nodjé bho ayi koiyo. ¹⁴ Nhingongo amoti na ndjomi na bhabhale, bha mobheya Yudasi eskario, akhe pamba ya bha ngonga bhakondji, ¹⁵ Mpe ayibhuka: bho okapani niye mpe na neani? mpe ayibhuka nabhu naneani mbemba tuku zi santu. ¹⁶ Bhanda bhusa bhowa ayibhanda bhonukana akpulia bhomo kabha. ¹⁷ Bhusa bhalibhoso bha mompa mayi vimba tite bhayekoli bhayi mobhukia Akongo, akpulia bhomo bhukia: to enukanani nsio ekalia mampa ma paque? ¹⁸ Ayiwidja: khe angando ya moto bhowa, mpe ino bhomo bhukie: Akongo ayibhuka: ngonga yambi etobhi phanhi; niyakho pamba yawe bhayekoli bhanhi. ¹⁹ Bhayekoli bhayikho dje ayibhuka Akongo na bhu, mpe bhayi kolia lipati dja paque. ²⁰ Etobha na mobho ayi nhowa, ayinha na bhayekoli zomi na bhabhale. ²¹ Nongonga ya bhohaka, ayibhuka nibhukeni bhosembo omoti teyi yanu akabha mbi. ²² Bhayoka mawa mingi, mpe omoti abhanda bhobhuka ekhembi Kumu? ²³ Ayiwidja: obho ayisa mabho siye emoti te ya sani, ekoyo moto aka kabhani. ²⁴ Mwana wa moto ayibhe, ndenge ya komama kasi wa na moto obho ayikhabha mwana wa moto! te mogendja ona abhota mo ti te. ²⁵ Yuda, iyo amokhabha, ayitomba malobha mpe ayibhuka: ekhe mbi Rabi? Akongo ayi mohulidja obhuki gala. ²⁶ Ngonga yakaka ibho, Akongo ayitomba mapa; mpe, ayitomba mapa ayi bhanda bhosambela ayibhuka mapa mpe ayinye na bhayekoli, ayibhuka tomba akhá, ebhe ekhe mokuku mambi. ²⁷ Nhingongo ayitomba keni, mpe, nhingongo asambela losambo nha grasia, ayi bhanea, ayibhuka: nhungani inho bhasusu; ²⁸ Ndjokande ekhe makiya mambi, makiya ma bhandeko masika, masuniana akpulia bhagendja bhanene, akpulia bholimbisi masumu. ²⁹ Nebhukeni, nitanunga nheya te nandenge ya mbuma dja vino, tée na bhusa bhuwa na ino teya ya mokili maya. ³⁰ Nhingongo nha bhoyemba nhiambo, ayikonda angomba ya Oliva. ³¹ Bho Akongo ayibhuka nabhu: nikhe akpulia anhu bhasusu, bhúu bhubho, wandogbani ekumu akpuya mbi; ndjokande ayikoma: niakuta mokengeli, mpe bha pati etonga bha pandjana. ³² Kasi, nhingongo nasekwa, nakhe libhoso agaleli. ³³ Petro, ayitomba malobha, ayibhuka nakho bhasusu bhandogbe ekumu, kati mbi te. ³⁴ Akongo ayibuka: nika bhukia bhosembo, okho nabhúu bhubho nhiboso koko ayeye, owa nganani mbala dji santo. ³⁵ Petro ayibhuka ekhakho ogbwe na gbwa nawe, nita ngana te. mpe bhayekoli bhasusu bhayi bhuka ndenge emoti. ³⁶ Nhingongo, Akongo ayikhe nabhu teyi nsio ebhe bhayi mobheya Getesemani, mpe ayibhuka na bhayekoli: nhani abho tongo mbi nikakhe bhosambela. ³⁷ Ayimotomba Petelo ayikhe nande mpe bhana bhani bhabhale bha Zebedeo, ayibhande bhoyoka iwa mpe esisi. ³⁸ Ayibhuka nabhu bho: niyoki iwa amokuku mambi teye yogo: nhikani abho, mpe nhani mbi nsiye emoti. ³⁹ Nhingongo, ayikhe ma bhotshenhu libhoso, ayititidja mbhanda nase, mpe ayi sambela nakina: ya wambi, soki ekoka kompo ena bhwa ekhe bhohambi nambio mbala mingi, tokho mubho mbi nipayi tite, kasi mubho ipayi we. ⁴⁰ Ayikhe pamba ya bhayekoli, ayibhatama bhaye, mpe ayibhuka na Petelo: akhoki ti bhonha na mbi nsio emoti te bhanda ngonga emoti! ⁴¹ Bhanha miso mpe bhosambela, nhingo bho tobwani na masumu te; mpo molimo moke nangenhu, kasi múu moke na bwembe. ⁴² Ayikhe bhoka sambela mbala ya ibhale, mpe ayi sambela bhowa: ya wambi, kopo ebhe bhohanhi nambi bho te enunge te, bho ekhomene dje epai we! ⁴³ Nhingongo, mpe ayi bhatana bhahe; ndjokande minso mabhu mayembi hiyo. ⁴⁴ Ayi bhaye, mpe, ayikhe bhoyanhi, ayisambela mbala ya misato, ayiwedja malabha mabho mayaabhuka yo libhonso. ⁴⁵ Nhingongo ayikhe pamba ya bhayekoli, mpe ayibhuka nabhu: bhoheni bhinhe bhi mpe bhoyaka yenani! nse, ngonga etobhi panhi mpe bhamopeya mwana moto amabho ma bhasumuki. ⁴⁶ Hemani, khe, nse, obho apeyani atobhi phanhi. ⁴⁷ Ndenge ayabhuka iyo dina mbala, nse Yuda, omoti na djomi na bhabhale, bhayi tobam iyo anhowa na bhagendja bhanene bhasonha na minyonyo nape bhigbongbo na bhanganga bhakondji mpe na bhasuku. ⁴⁸ Ayo ayi bhabhukiya na bhobhaleha: obho na mozinga ekopé, iyo homa; mopeya. ⁴⁹ Ma bhotshenhu bho, ayadinda phanhi na Akongo, ayibhuka: mboti, Moteyi! mpe ayikha mobhedje. ⁵⁰ Akongo ayibhuka: amina mbi, kho múbhó mokapawe omokho, mokho nhea kholo nhingongo bhagendja bhayadinda, bhayisa mabho amokuku mande, mpe bhayi mopeya. ⁵¹ Mpé nse, omoti na bhabho bhanhaki na Akongo ayitanda ebho, ayitomba monyonyo mande ayimo khuta mosaleli ya nganga nzambi, mpe ayi mowidja litoyi. ⁵² Nhingongo Akongo ayibhuka: hulidja monyonyo muwa ansiona; ndjokande moto mosusu atomba monyonyo adjwa kho na monyonyo. ⁵³ Okaninga bho nikokiti bho na ya, bho aneni mapinga djomi na bhabhale? ⁵⁴ Ndengende eya khokesana na makhoma, nhingongo nda eyanha ndenge na bhowa? ⁵⁵ Nangonga ena, Akongo ayibhuka na bhagendja: onhoeni mbi, dje moto wa hubha, na minyonyo mpé mingbongbo, akpulia bhopeani. nhinhaki ngonga susu teyi yanu nateyaka teya ndoko ya ndjambe; bhopeya tinite. ⁵⁶ Susu dja tobha mokando makoma ma bhaprofeta ma bhokisame. Bhayekoli bhasusu bhayi motiya, mpe bhayi motiya. ⁵⁷ Bhabho bhayi mopeya Akongo bhaikenande pamba ya nganga mokondji Kaifa, mpé bhateyi bha mobheko bhasusu bhasa ngana. ⁵⁸ Petelo amotuteyi Akongo bhohanhi te aeyinse ya ngonga mokondji, ayingeyi a lopango mpe ayikhe bhonha phanhi na bhasali, ayiwene ndenge mokhando ysia. ⁵⁹ Bhanganga bhakondji na bhagendja bha Sanhedrin bhaka monukiana bhamabhukiye lokuta akpulia Akongo, bho bhamotitidje agwe. ⁶⁰ Kasi bhayi nhisatite, bhayi bhuka bhobhehu akpulia ande bhaye phundja, nhingongo, bhabhale bhainohwa, bhayi bhuka: ⁶¹ Obho ayibhuka: nabhukaka Tempelo ya Mongai mpé nia etonga bhusa nha masu masantu. ⁶² Nganga mokondji ayi hema mpé ayibhuka: ahiwidja ehomate? bhagendja bhabho bhayi tshongeya akpu yaye? ⁶³ Akongo ayi nhakana bhobhi. Mpé nganga mokondji, ayitomba malobha, ayibhuka: nilapi, nanhina nha Mongai obho okhi móo, ebhukia inso ingakho okhe Kristo, Mogbongi wa Mongai. ⁶⁴ Akongo ayebhuka: obhuki solo kutu, nebhu keni, nidjedjini bhende owene mwana wa moto anha ayebho ya nhi bhani ya gunhu ya Mongai, mpé anhowa na ndombela obho nhiko. ⁶⁵ Sika abho nganga nzambe ayitshalea esindja bhayi bhuka: ayi mobhoko! aye eyomande enukanake lisusu bhatu bha lokuta? nse, bhoyoki bhobho bhande ino bhasusu? ⁶⁶ Abhohulidjaka: akoki na yogo. ⁶⁷ Hóo nhiko bhayi motufeya mansoi ambanda, mpé bhaimola mbata ayiyoka pasi na bhobhuka: ⁶⁸ Kristo eningidja; nda ohokuti. ⁶⁹ Na ngonga ena, Petro anha tiambo teyi ya libhanda. mwanhi omoti moto wa elomo aya ainda phanhi nhande ayibhuka: we lokola, anhaki na Akongo wa Galilea. ⁷⁰ Kasi ayingana libhoso nha bhatu bhasusu, ayibhuka: netikadjea mubho omobhuke te. ⁷¹ Akheanha amonhipe ma lopango, odina mosaleli ayi mowene, mpe ayibhuka na bhabho bhanhakiha; obho mpe anhaki na Akongo wa Nazarethi. ⁷² Ayingana nakina nha bholapa: nidjeti momi onate. ⁷³ Mwa ngonga bhotshenhu bhabho bhanhakiha bhayadinda, bhayi bhuka na Petelo: ikhe bhowa anhaki owanhaka na bhagendja bha, ndjokande okho bhobhuka bhawe bhoningindja. ⁷⁴ Nasima ayibhanda bhongana mpé bholapa: ni modjetii momi onate. Nhingongo khoko wayambo ayiya. ⁷⁵ Mpé Petelo ayilene bhuka ebhe ayibhuka Akongo nande: libhoso bhe khokho ayiye, owanganani mbala djisantu. Mpé ayipundja tiambo, ayi yeya na mawa masusu.