¹ Pakho nene mpe bidjange na bidjange, bayee Mongai aabukha na botataa bansa na basakhoki. ² Mongai, na masu maabho aabhuka masu na Mongbongi wande, haamokoo Mobongi wa loma susu dja mokili, anbaina aiyi kela mokili, ³ Ziyo, ake motandanda mobho moka Ngengeza Kémbo ya Mongai, ayéningiza mbanda yake mobimba iyoo akadjalisa bhoma lisusu na buka yande, iyoo na ngbundu yande, abho aisukidja ngundu ya bobhebhu ahikhee bhokhada aijibho ya ebhani dhaa Mokonzi Mongai hoohoó odhikhoo, ⁴ Anyoi bha Anzelu na ngundu Ainyao mina mabhu na Kembo. ⁵ Busa nako bomoti te : Mongai abuka na Anzelu : omoti te we Mogbongi wambi, ne boti bheende ? to, niadha sango, iyo adha Mongbongi wambi ? ⁶ Kasi mpokho elindiyo Mongbongi yande libonso, habho amokili, ahebaka bho : banzelu basengeli bomakumisa ! ⁷ Angbanga, ya badjelu Mongai aibukhabho : aithobedja Banzelu bande dje bhihuwiya, pkamaaku, basaleli bhande dje moosa mowi makasi. ⁸ Angbanga ya Mongbongi yande Mongai abuki bhoo : éé Mongai, bokumu yawe bwahene seko; ekongo ya we ya Bokumu ekongo yawe ya bosembo; ⁹ Okhapha kobosembo, okiaka bhobheu; Mainanga mokonzi Mongai, aiyeho we, éé Mokonzi libonso bho bamisa we aabho aesinge we monye masai. ¹⁰ Ayibhukha mpe : Ze Nkumu, Alitange akhokhi mowi, likho liki pemoka ma mabho mawe; ¹¹ Biya basusu bakwoa, kasi we oadha; banzuluka dje bisenza bagala, ¹² Wabinyanga dje mokhoti, wabidjadja dje bisindje bagala; kasiwe otawelaza te, bianga bawe bitisiate. ¹³ Busande babuka Mongai : na Anzelu bhoo : dhaa aeyebho yambi ya libhami, thé bhusa bhombi yatobhedja banguna bawe dje edhedhi na makhoo mawe ? ¹⁴ Khoo bandjelu baike banda bhake bilimo bakakomeya Mongai mpe bilindami bosalisa bhabho badjuwa heheli ?