¹ Dhisusu, ngiana, bhondelaka yi akpulia iso, bho bhuka ya Mongai epandjané dje pambeyanu, ² Mpe bho edhaa nabho bha éhifé bho edha na bhokangolama na bhagendja bhabhehu mpe bhabho bhadjangi tina; bho bhatiké na boyambi. ³ Akongo aké sembo, iyo alendisani mpe abha neani na bhobhehu. ⁴ Ekena bhondima teyi ya ino bho okako koma malindi iso. ⁵ Mpe Akongo asombedje méema manu pambea bolingo dha Mongai mpe na molendé dje klisto! ⁶ Isho elindi, ngiana, na dhina na Akongo klisto, na bhosua na ngiana bhasusu bha bhobha kahela teyi ya mobulu, mpe kati yabha bhobhalindimo. ⁷ Odjei ino bheene ndengende ya bhoetutea, bho isu eheyiti teyi ya ino na mobulu te. ⁸ Isho eyaki edjegi ma pama bhagendja, kasi teyi ya mosaa mpe teyi mpasi, ya dhakabhuu na moiyi na mosaa, bho ebho ewadja mogendja omoti muuma te. ⁹ Etike bho iso elumedjami dhikkoi, kasi epaaki edhaa iso eneane iso bheene ndenge ya bhotutea. ¹⁰ Bho, pókó edhaki isu pambea ino, ya bhuka mobhano: ina mogendja omoti apayiti bhosaa, abhongi na bhohaaka. ¹¹ Iso eyokoyi, kati edjegi, bho ekhe teyi yanu mogendja omoti akahela na mobulu, mpe aïsa, kasi anée na ngando djidjangi tina. ¹² Iso ya bhea bhagendja bha, mpe eka bhalenda na Akongo klisto, na bhowaka dhiya dhabhu béene, na bhosaa bhokókó. ¹³ Akpulia inho; ngianam tôyee bhokôo bhopée. ¹⁴ Mpé okina wabhu atika tosa na ebhe ekabuka na etumba, mokoma, mpe todhaa na boyokani na ande te, bho alumidjane na bhosoni. ¹⁵ Tomoshée dje monguna, kasi modjedjadje ngiana. ¹⁶ Bho Akongo wakimia anée iyo omoti kimia na mpoko susu, na ndenge susu! bho Akongo adhaa nanu bhasusu! ¹⁷ Nenia mbote, mbi pôlé, mabhôo mambi méene. enabhea ekhe mokolotona bitumba bhambi bishushu; bhoanga ekomi mbi. ¹⁸ Bho ms ngolu ya Akongo klisto edhaa nanu bhasusu!