¹ Akpulia mabho masei bhowa bha Nkumu wa su Akongo klisto mpe bhikita bha su siyo émoti nande, iso eyongini ino gbangéána, ² Towani na bhopete bhokamwa na edjaleli, ya we épélé mpe towayé akakwa, éké téyi ya mateya, madü make teyi ya bhuka, djidü tô na étumbá edü akoki bhobhowa ibhi na su, dje masu ma Nkumu make bhéya háa. ³ Bho mogéndja te aséngiyé te na ndenge; édina te ndjokande ésengeli bhotia mangomba matobhé liboso, mpe bho bhakôo bhodjea mogéndja wa masumu, mongbongi wa bhibhunga, ⁴ Mongana áemayi bhikó bha bhisusu na ébhé bhó ékabheyá bho Mongai to óbhó okahusa, tü aikée bhokabháa atempélo ya Mongai, aéyakôo iyo méene Mongai. ⁵ Ino toningeni te bhó mbi niabukiani lóoma, bhibhó poko ébhuki mbi nakina pambeya nu? ⁶ Mpé bhibhe ébhé ino ódjéi ebhe bho émopéyi na ntina bhó apudjé na pókó yande. ⁷ ndjokande bhingombá bhibhehu bhikasáce; obho óká bhábhánéa alimóo. ⁸ Mpe bhábhéhu bhápudja, bho Nkumu Akongo áhowa na mohudhi ma monoko mande, mpe amoroa na bhowa bhande bha kémbó. ⁹ Bhopudja bha bhabhéhu ya komemeibhi na makisi na satana, siyo émoti na makamwisi, bhilembo makamwisi ma malhowa, ¹⁰ Siyo émoti na masengiyá na bhobhéhu bhabhó bhágwá akpulia bhadjuwa te bhopáa bha ménéméné bho bhahélé. ¹¹ Nakina Mongai aibhalindia ngubhu ya bhibunga, akpulia bho bhandi ngando dja malowa ¹² Na bho bhasusu bhayambáti losembó, kasi bhadjwi mposa ya molowa, bha tite á mokandó. ¹³ Akpulia su, mopaani wa Nkumu, iso ekoki amokandó bhowidja matondo na Mongai, akpulia Mongai áhôni ino, ókó alitange akpulia ya éhélé, na bhopetolama bha Elimo santu mpe na boyambi bha menemene. ¹⁴ Éké aye iyo ábhéyá na bosakwa, akpulia okhisé kémbó ya Nkumu wa su Akongo klisto. ¹⁵ Naki, ngiana, héla makasi, mpe bhanéa mibéko ino wabhisa, ébhaa náko bhuka ya su, ebhaa nákó étumbá ya su. ¹⁶ Bho Nkumu wa su Akongo klisto iyo mene, mpe Mongai yaa wa su, óbhó wa énéa na ngolu ya nde bhibondisi bhimoti na ngolu yande bha bhibélá mpe élikya épélé, ¹⁷ Máléndisa méema ma nu mpe mabhondisa méema ma nu bho ókóni bhobuka ngándó dja ménéméné mpe na bhuka susu.