¹ Paulo,olombo losala Lisalilombo,one atomame la Yesu Kilisito ta limilya,la mbe mbaponame Tisalilombo konde oluwa osembo one angale atialimeli. ² Hengela Iheli ta loiko loti lalitio,lekelamaka enu ta lesile lokoleka Lisalilombo one ati ekakake lotanba, ³ kolone enisaka lyoyi ta lesile lande ta oteya onafelaka eyi ta ndole yolongo Wisalilombo onikisa esu, ⁴ Enembe Tito, wanayi la Losamo ta ndole elimilya; mbo ngandi konde Lehoyi engalake tolekela Isalilombo Ise konde Yesu Kilisito one ambe Osungi ! ⁵ Ikotika oye ta Kelete, takombo otake olongo tene engana, konde,ekokanake lebeko yayi,wota konde aelo Tayele, ⁶ Ekambambo yolome mbe mbatilosembolama,olome la lowali lomito, ana mbande mbangalake osembo ,etimbo asitakamake lolefe konde osoma. ⁷ Nde ongane mbo eveke angalake olombo one atitosembolama, yambe one abatelame Lisalilombo;etimbo angalake olombo leka otuka,to olombo la kele, etimbo angalake olombo lonwa aana,to wiya,to olonbo one la lotamba; ⁸ Nde angalake olombo one alingola ayenda,lekendo lalombo lehala,nenge, osembo,one atila limeli lyondolo,olombo lokita, ⁹ One undame la lyohi li lehala lye lyateyamakaye,mbo konde ye angalake la nenge yoteya alombo ta wenisi li lehala nde ye itiongala olombo lemalelana. ¹⁰ Embeto, lambisa; olekela tambe mbe mbakatenama lotofa uke mambe lakanisi andolo leka otuka konde mbe mba tome alombo tondolo, ¹¹ Ekoke mbo okandaki enoko. mbe ndakola abota mbaho otondo ,mbenisawo akambo mbondolo mbe mbati koke lenisama . ¹² amito ta letati lawo,wenaki wawo akaeka mbo:keletasa ambeeko olombo la lotamba, nama ikulu,etema yiti la kulu. ¹³ Lyo lyohi limbe koloko mene. tatina yaho inokowelakayi,lambi woyaki imilya woti la limeli. ¹⁴ Etimbo mbakake okundana la leko lo ya Yudaika konde ebeko yalombo ye iti koloko mene. ¹⁵ Yaho otondo imbe lehala ta mbe mbambe lehala,nde eti lehala tambe mbambe losoto, konde mbe mbati limilya,ayele mbawo mbati lehala. ¹⁶ mbetonga osala woluwa Isalilombo,nde mbafeke ye lesala yawo, mbe mbati tolonga osala wo lehala.