¹ Tango, ekelaka wo aaoyi mbe msmbe lehala ta lituka li lehala. ² Ekaka mbo ekose mbangalake la lehoyi,osembo we wokahongisama,ndakisa okndala losembo ta kati yimilya. ³ Ekelaka konde ainango mba ngalake kpe alombo mbati la limeli,me mbetiekake ondolo tolombo,mbatiniyake haana,mbaluwe ofa alako mba lehala. ⁴ Mbenisake anowali me mambe taala nenge yolanga alome mbawo. ⁵ Mbangalake lofalango,mbati owali mba lehala se mbe mbotema lehala,mbatongake ekambi taala mbawo,pe mbangangake alome,lambi mbatoya feka lyiyi Lisalilombo. 6 Lolenge lomito luwisaka apalanga mbangalake lofalango. ⁷ Takambo mbawo otondo okoke longala one enisa ahoyi mbakoke la nenge elehala. ⁸ Tongelaki mbe mbati la limeli tapo ekombo mbe mbati imilyake esu mbiyalake la ngangi,pe mbati koke lekela esu ango lyoyi lyondolo. ⁹ Luwisaka etamba mbatosake akondi,mbokake yaho yo imbekaka wo, wo itiofeka imilia yeyeke wo. ¹⁰ Wo itioka weli wawo,mbenisake mbo mbambe etamba ilehala,pe lotosi honde embe lisomboli Lisalilombo one ikisa esu. ¹¹ Lambi Isalilombo enisa otema lehala wande talombo mbaho otondo esisamaka. ¹² Yolo ekela to esu mbo tosunyake akambo mondolo,la toheli tokili, tapo ekombo tongalake la loiko kokana la weli, okoka,pe la ngandi, ¹³ Ta ani elombikilama lehala pe lenela wo kembo Yisalilombo pe lone akonde ako Yesu Kilisito, ¹⁴ Yamene akoya fama taiso,tapo yofoya esu tondolo tokangalake lituka lyande, otapiko tekambi ilehala. ¹⁵ Yekaka mba oyi,inowelaka,ekaka la lokulu kpokondi,mbatoyena oye olombo ati la litina.