¹ Mba kaena ya konikilikanisa chetoo aika ka cklistu. na kaena ya kon'ka okpala na chomboo yowe ate chetoo yakokola ilongo aika mo aena amoti. na ofeweena ya kookowa, na ya kosumbuka na chomboo. ² Yakatoa na kulu, cha moti na kosamana. chetoo cha moti mawazo amoti. ³ Nango koeta cheena, chetoo ya kounda kolomba. koikilikanisa ka Mbali. koikilikanisa weya ofewa kokotenga. m'mbo aika kiyo angomene. ⁴ Mo nkati ino aenamoya kofofa faida ino, koyakeya wana kinona faida. ⁵ Inomoike naku engo aikile ka yesu klistu. ⁶ Njo yaikile m'mbo Mbali na kotengea mba kaena ya koya. oilote aike mo mongo na Mbali. ⁷ Ailindoa bemene na koijumanisa mba mea wa mokambo, nakoitulukisa mo mongo na weya na ko buanya mba meya n'ngo asanga. ⁸ aikilikanisile bemene nakowa mendi eti mupaka koiya kokpa yande ka musalaba ⁹ Ngo maana si Mbali aninile nakono n'kalina engo aikakio na linaoti. ¹⁰ Ngo molina ya yesu.maluotiako kundika mpanja nande nakio, omotete, kosema motete. ¹¹ Kama otieti wawowe yesu klistu aika Mbali nakolobea Mbali ise. ¹² Ngo wanawaise m'mbo moya koakila wendi, tomekea imani yawe nakotina sanga koika naino. ¹³ Mendi Mbali ngo aika mokousa na koeta namna bemene asama. ¹⁴ Ataweena eti nango koetana chetoo obaya nango moekolitoa. ¹⁵ Mendi moikenango konobaisa atetenga ano, embo oeta obaya. Koiki likanisa weyaya koyaka kakemdje mocheenga tosaikilimo chese. ¹⁶ Koliya kumba ya Mbali na komilombisa, mokoiya ka klistu, ya kuilamau, nakoila mokambo ya kotomeka mo aena ya mau. ¹⁷ Nango namuna mba yakoa ko oneka mendi ya mokambo ya Mbali nakosea aena mokana ino. ¹⁸ Ino embo see e'mbo moseemo mongona ano. ¹⁹ Na sebeleya monda na Mbali yesu klistu kokotomea Timothe mendi toike moe okpala na koyowa enge mosama mokoeta. ²⁰ N'tayoimea ono akobaya kuluchani mokoyaka ilongo mochetoo mendi yawe. ²¹ Wango wakofofa faida yao woalakini atoikile ya yesu klistu. ²² Moyowile aibaisile omokambo ya Mbali na ano mba mana na ise ande. ²³ Nasebeleya monkotumia na nakopokemo ono namna naika. ²⁴ Nasebelea Mbali na anomene nsa koenda. ²⁵ Mokulukani konotomea mana ya ise Epaprodite monakani yakambo na motato engo mon'nusile. ²⁶ Asama konosea inowati, na mowe ande ayoma namna moigbile abali ya moe ande. ²⁷ aikile na kosamba mongo namuna aikile iyiyi na kokpa. Mbali aika chombo yande ataikile chande bemene na anoembo mendi. ²⁸ Nawatomile jabungu mendi moseemo kokulumana ino na igba ano meene anomene chomboo. ²⁹ Pokea sadaka kawe ka Mbali nako koseana ko lombisa samea engo namna. ³⁰ Aika mokambo ya klistu aikile iyye na kokpa. aulisamowe yande mokojamana maili yawe na ango atoikile mendi ya mokambo oetile.