¹ Polena Timote weawatomekeile yesu klistu kowea ewa tiwa kokola chetoo monda na yesu klistu waika awonga la wa filipo, ko motende na wea wa onja mo numba ya Mbali. ² chombo na gue kanosonge kotoka ka Mbali isetu na manande yesu klisto. ⁷ Aika liti nakanisa mbo mokoye we kana kani, mba mokoikabea na koyakoa mendi ya Mbali ewatiwe ya waoweya ma chombo pamoya na ano. ⁸ Mendiate Mbali anjakolea ate nanosoma winoewati mo chombo cha yesu klistu. ⁹ Nacheena na kokonga a maombi ani aika ate kosomana kinokanine zaidimo ufaamu na akili ino ote. ¹⁰ Mokoyowa mendi ya ilongo na mendi ya kobea mendi ate okpanoi watanosangi na makosa m'mbo yesu akowa. ¹¹ Liti okpala la liti laika monda na yesu klistu, mo kabebo na komoembea Mbali. ¹² Nasama ate yewi wana wa ise,mendi ya n'sanga ya n'saidia mokoendisa mendi ya M'mbali. ¹³ Mom'mbo mowa nokati ani ewati na aenaati, nango mea aeba ate mendi ya klistu ngo nayewekana. ¹⁴ Naweawangi monda Mbali ewapata okpala mokoya wekanikaini, waika osebelea mokolengena nango mendi ya Mbali ¹⁵ Mbea amotiamoti, ayewekana wakabolekanasa mongea yakokola, ¹⁶ wano wakotomekea kosamana, koyewa ate nainamea kokpanea mendi ya Mbali. ¹⁷ Weawafe, wakobea wetoo, wakotonda mendi ya klistu mongea ya kobea na mawazo a koimoka osako mo mendi ya Mbali. ¹⁸ Nangoande mendi? mo namuna ati aike momeso, aike liti, klistu atowisamile wande na seelea, ka na seelea lofe. ¹⁹ mendi ate nayewa njo eti yakokea mowokovu wani,mo okpala la maombi ino na mosaada andikito la yesu klistu. ²⁰ Namuna nayakoa ka mosebea, n'ta kokpa n'kene, lakini lofena na matuati, klistu akobebeka onoweani, na osebeo, mo maisa ani, mbo mokokpakani. ²¹ Mendi ate klistu ngo maisa ani kakpa koika faida kani. ²² lakini mbo aika maana omokamo ani naika monda na mowe n'takoweya kolengena mbo na sama. ²³ ngea ibeyaiko moko m'bata naika na kulu ka koya na koika na klistu njongo ya kola. ²⁴ Lakini mendi ino, na sama naika monda na mowe. ²⁵ Naaka lite nayewa nakoika kanakosia na wino ewati mokomoesa mpanja na toatino mo chetoto. ²⁶ Mendi ate, mokolukaluka kani nkati inowo kopata kani mendi ya koula, konobeba yesu. ²⁷ Cheena cha moti, endi mongea ya koimana omendi ya Mbali, mendi ate, mokowa konosea, mba ntakowa, nasama koingba ate wototetelekile, mokokpanea chetoo cha moti o mendi ya Mbali. ²⁸ Nango kotina mea akokofofa na obaya, ekawa kaseekane alama akolimena, lakini wokovu ekino. ²⁹ Mombo obela Mbali, mendi ate anoselea chambo, kaunda klistu, n'tande mokoyokoa lakini mokoteseka mo lina lande. ³⁰ Mo koyakoa ngo motato amoti wonsea na oimanea, ka woingba lofena ati naimanea.