⁵ Moe kpuse mewe ino n'ngo aika motete, na ifue na kulu kino obaya ya ngeya obaya. ⁶ Ngo mendi ya n'ngo weena ngo osongo ya Mbali awa kamana n'ngo amoila. ⁷ Monda ino moendange moofe mba moika na n'zambi. ⁸ Moono, mookoe weena eti na osongo nakofena, alakini mendi ya liti ngo aokemokama kino. ⁹ Nango koweka, wa moti na lofe molindoa weya ya kale na mokambo. ¹⁰ Nakoilowa meawaiyiye, aikakosumbuka moko yowa mea engo amoeta. ¹¹ Ano totoikile na chekoko chawa Grec; nango wa Juif, nango weya ilongo, nango weya yakobeya, nango kofena, nango weya ya mekambo, nango meya engo ataikile wa mokambo ate klistu aika eti. ¹³ Kolianga mekumbo yawanakino mba mea amoti abengena mendi ya ofe, nango kosumbukisa obaya ya mea embo klistu atonosumbukakaniye engo ino. ino embo moeti engo namna kawana ino. ¹⁴ Mokoyo engo eti lowi ino chombo, ngo ngeya ya kokola. ¹⁵ Na fio ya klistu; engo anobaisa koika mowe amoti aike mo n'kati na chetoo ino moikeweyaya koyowa wema ya vana kino engo wakoeteya. ¹⁶ Mendi ya klistu aika mon'kati ino mobaisane ino wati nako bebisa Mbali, ataingbiye chombo. ¹⁷ Engo mokoeta mon'kama, na omekambo, mo eti molinaya Mbali mokookowa weena na chombo ya Mbali. ¹⁸ Wakali kilikana mpandja ya mome awe embo Mbali asama. ¹⁹ mome samamokoawe; nango komofea. ²⁰ Wana yakowa mendi eti ya soyawe nan'na yawe mendi n'ngo ngo Mbali asama. ²¹ Ise, nango koeta obaya kawana mendi wano kosumbuka maili. ²² Mea ya mokambo; yakoa eti ya ya mokota awe ngo namowe nango momeso, nango koleaka weya alakini na koikili kanisa mo chetoo, nakoli na Mbali. ²³ Eti engo mokoeta moeta mo chetoo ino embo Mbali asama nango mendi yaweya. ²⁴ Yowino mokosanga ka Mbali jubungu ya meanda ya koisukanisa ka klistu be Mbali. ²⁵ Mbali engo akoeta mendi mongeya ya koyeba akosanga engo obaya ande aekili bemene.