¹ Mendi moyowa ate jabungu ya motato ngo na konoyakeanga wengo waika mo Laodicee naweti engo watoseile che asoyani omowe. ² Wayowe chetoo koiya mofio na moaena moti mokoula meanda, na chombo na koyowamokambo ya Mbali bila komosea klisto. ³ Mekambo engo awisika weena ya meanda na weya ya koyowa. ⁴ Nano owa mendi meya anokonokesa na mendi ya konookowa mongeya ilongo. ⁵ mba moe ani ato ikile naika momongo naino mo chetoo. ⁶ Embo moyako a Mbali yesu klisto, moende nande. ⁷ Moimane na okpala kande nakojumana mo chetoo, mokofata ngeya engo wanokile na chombo. ⁸ Moyake; mogbeli; mendi meya anokonokesa. atemosiye Mbali mobengeya ye chese na kosiya ngeya ya yesu klistu. Ate kandengo liti aika. ¹⁰ moiyee kande mendi bengo moko toengo aimaniya. ¹¹ Mendi kandengo wayaengo watoikile ilongo be aika mokowakoma waikye weyaya kokola. ¹² Mokulumanilinande monda ya mai; mo ngea ya koweya na kookamai nande na chetoo. na okpala ya Mbali engo akowatulu kisaweya na kokpa. ¹³ Inoengo mokpa na obaya ino momowe, akono etea okpala na chombo chande. ¹⁴ Alima obaya ito, na akeisa m'bamba engo atobaanisele nande. ¹⁵ Alindoa okpala yoweya na okotayawo nakowa okowa aenaya kowisama na kowa eta omosalaba. ¹⁶ Nango meya konosambisa mendi ya koya, na mendi ya koma na mendi ya koisesea meli ya mpandja, nautuya yenga. ¹⁷ Aika ifue ya mendi engo ako buania, mendi mowe aika ya klistu. ¹⁸ Meya ataamoti kino aitaikile koikilikanisa mongeya ya wa malaika nango ate wano oweiyoliya oweya nakoleka namuna yawoya mpandja na weya ya koibebisa. ¹⁹ Nango, osolokowa kota na mowe nango kpalea, na kokulumana na Mbali. ²⁰ Mba okpala mon'kati ya klistu. kpalea na chese oni namuna mba okina na chese nango kowa owana okpala engo mendi. ²¹ Nango koya nango koyoka nango koweka mon'kama. ²² yakaet engo aika ya ilongo na nango koyaka mendi ya obaya engo aika moko okaka weya. ²³ Waika mo liti weyaya liti monkati yanyu mba ya Mbali ya mowe wasiya okpalea nawo.