¹ Paulomana wa mokambo ka yesu klisto na kosama ka Mbali, mana na ise yande Timote, ² Naweya ya kokola chetoo nawengo wa ikana na kulu ya wanaise awo monkati ya yesu klistu we engi waika mo Wakolito, fio ka Mbali aikekino monda ya Mbali. ³ Fiyo ka Mbali, isee na yesu klistu nango tosiekokonga Mbali mendi ino. ⁴ Embo moingile mo chetoo mo nkati ya yesu klistu nokoikana uluma inowati weya ya chetoo kokola. ⁵ Moengo kowekea chetoo ingo tawasiliya kuwakiyo, na mendi ya liti, mendi ya Mbali moeyowe, ⁶ Aika mokati ino. nacheeti, aliyaweuma, na aimbisa monkati ino, koandja wengo, engo. moegbile nakoyowa kokola ka Mbali naliti ⁷ Naengo ingeya banobaisile Epaphras, meaengo toendile. meawakosama engo aiki kino weya moti samile klisttu. ⁸ Engoatobaisa namuna ya koikilikanisa chetoo ano owa. ⁹ Ngoembo koandja wendi toibgile totoleki kokonga Mbali mendi ino moyowe ngeyaya koikilikanisa nakulukande na koyowa engo aokkaka Mbali. ¹⁰ mendi toende monkati ya Mbali, ngo ilongo nakoliya weuma na mekambo ya kokola na koyowa Mbali. ¹¹ Weke ogbala mokotenga moikewengo atinakoseya na kolendea. ¹² Yakoe isee mendi awainka weena ilongo, mo chetoo na fololo. ¹³ Awokoa mo efue na konoliya mo okota ya mana ya kosama. ¹⁴ Kandengo, nzambi ito akooka. ¹⁵ Aika mba Mbali atoseikane wampanja mowenaeti n'go waeta. ¹⁶ Atekandengo waetile weena eti aika kiyo na omotete, engo aseekana na engo atoseikanile. ¹⁷ Aika mpanja ya weena eti na eti aika yande. ¹⁸ Aika mochuwe yamoweya nyumba ya Mbali, Mbali aika mompanja, mea ya mpanja mokoweya mokopka. ¹⁹ Ate Mbali asamali eti ajumane kande. ²⁰ Asamako waibganisa weya nande, na wengo waika mo chesee na wengo ya kiyo na fiyo kande na mokila ya mosalaba. ²¹ Na ino engo moika weyaya Kpalea, naweya mosama moyaene, na kulukinoya obaya asama konoigbanisa mongeya yako kpakande, na moweande. ²² Ka we oibanise mpanja yande bemea atoikela mo mendi obaya, ²³ Mbakani moimana aena amoka nango kooka mo ngeya ya chetoo, nango koyaka kulu ya obaya mo mendi ya liti engo mo engbili kooka kiyo engo ano paulo naikile mokota. ²⁴ Naika mokosea mo ona wakati natabu enga naika mokosea mendi ino. ²⁵ Kaongo naikile mokota, na moengo Mbali an'ka mon'kati ino mendi nanoowe mendi ya Mbali. ²⁶ Mendi awisama wakati eti monda ya wendi moike chande mo chetoo. ²⁷ Ka inye Mbali asamile kanobaisa ate okpala najabungu ya meanda na mendi ya Mbali monkati ya weya engo watomoyoe. wayoe ate klisto ngo tomo mowekee chetoo ito na kulu cha okpala. ²⁸ Bengo atombowa; koowa weya eti na kowabaesa weya na waiyeka Mbali koisawa ka klisto. ²⁹ Ngo natomeka nako kpana na okpala engo ya inkili.