¹ Bhatimidja bho bhaatitidje dhiboso dha basuku pe na bakumu, bhadhaa na botosi, eselungwe na bilomo bipele. ² tobokeni, bakie bosungiana, badha na boboto, ba wenedje bhopolo dhiboso dha bagendja basusu. ³ Akuli bho iso eadhaaka bagendja baewedje, bakandja, babhungee djia eetoba bhabhudhi bha posaa djidjangi tina pe nisepi mibhehu pe na bho pala eikiana na bagendja pe tei yasu. ⁴ Haabhoa boboto pe bipalano dha Akongo dhiyenene mobikisi waasu. ⁵ A eheledji a bilomo bhia loma iso tei ya bodjanga bhoyengebhene akulia iwa yaandhe meene andjia ya batisimo, bhoapupa, pe na bobotama ekina mbala na molimo mosatu. ⁶ Ebhe esunei Akongo akulia Yesu klisto . ⁷ Akulia bho elonge naa ndhe, etobe babhukedi bha menemene akulia bomoi bha dhibela. ⁸ Buka ebhe eike menemene. Nipai bho obuke ngando djaina, bhabho bandimi Akongo bhanukane ndjia ya bokoo bilomo bipele. Akulia bho eke epele pe ekasunga bagendja. ⁹ Kasi ongane bosungiana bhaedjegi, makaka, mibukiano, bhila ngandho djibho djingani mobeko; akulia bho djike ngandho pamba tei ya libota. ¹⁰ Akulia mogendja wa ngbandia, omongbongee mbala emoti too djibale o moyee. ¹¹ Abho edjeiwe mogendja wa bokopo bwa mopengwake akulia masusu, akaa kwedje. ¹² Poko ealindha mbi Alatema na Tukiko, kee ebango a Mekopoli, akuli nipali bho nieme haa poko ya bokundu. ¹³ engee bolinda Jena, molakisi wa mibeko pe na Apolos, bhobhaedjange eyoma. ¹⁴ Yee bho, bagendja basuu bha okoo bhoayisa abilomo bipele akulia bho bhadje bosunga posa djabu susu bho bhaedjange mbuma. ¹⁵ basusu bho baike na mbhi bhaalindeyi abgaya, nyea bhabho bhae pai tei ya bondima.