¹ Akuliya we, buka ngando djingemeneke na moboko mopele. ² Buka bho ebongi na mbange boatitidja, bodha sembo teyi ya bondima, ya ngando pele, bonyanga molema. ³ Buka na bhaadhi basuku esengeli ateyi yabhu badhaa na bopeto ye wa bhoyeye aanye na vino te, na boabanea. ⁴ bhanidje seka bopaa baami bhabhu pe na baana. ⁵ Bhanye ngudhu ya boloma bilomo bha moki, na boatitidja papeya bhami bhabhu, na bobuka ya Akongo dhi tiolami te. ⁶ niidja pe meenga bhadhana ehele epele. ⁷ Wa nidje we meene na susu endenge ebongu ya misaa mipee, na bhonidja babongo bobongi. ⁸ buka na bosatu bakokiti bohikwedje te, akulia bho mbandha adhaa na bosoni, edha na mokando te moebukiake. ⁹ Buka na babhudhi baatitidje pambea makumu mabu na boba kome ngando susu, ye na bobakia elomote. ¹⁰ Ye na bobehedja, nabowenedje masu masusu na bopele bobongu, akulia botosa mobhoko maa Akongo, mobikisi waa su. ¹¹ Akuliabho ngolu ya Akongo, ebandeli ya ehele ya bagendja basusu eyawedjeke. ¹² Eka eneedja bho iso eyee mabehu pe na bopa ngando dja mongali. ¹³ Na bodiaka elikia ebongu enene ebhe ya wenene na eka ya Akongo monene pe na mobikisi waasu Yesu Klisto. ¹⁴ Aanyea iyo meene akulia yaasu, na bho aesombee na mabhehu masusu, pe aekoo dhitungu limoti akuli yaa ndhe, epetolama na ndhe pe lindi akulia misala mipee. ¹⁵ Buka ngando djibho, lendisa pe pamea, na bokumu mobimba. na ndenge bho mogendja aawene edjeki.