¹ Mbi Polo, mogendja wa heelomo ya Akongo pe toma wa Mongbongi Yesu Klisto hakulia ya bhondima bhaabho bha dhaa bahooni bha Akongo, haakulia bhodjeaa bhosembo tei ya ngando dja Akongo. ² Nike na elykia hakuliya bomoyi bha seko, hiyo ebongidjami na Akongo, elakani na Akongo na poko dja bhahee. Iyo Akongo tabuke malowa. ³ Hoobho honingidji dhiteya dhande na poko heebhe, hoobho honeini mobeko ma Akongo ndje mobikisi. ⁴ Tite egbondo wa mbi meene wa teyi ya bhondima, ngolu pe bhogoo heebhe heneyaani pambeaya Akongo hoobho Yaa pe na mongbongi wande Yesu Klisto mobikisi waasu. ⁵ Abokopo bhaina niyehii a Kelete haakulia bhobongidja ngando djidhikai akhulia bho onyhee mbanghe dja ngandho mibeko mibo mibhuki mbi. ⁶ Bhoisa mogendja hobho atike na yahuli. Mogendja wa mwadhi o moti, hobho baana bhande bhaike tei ya bondima. kati bhabho bake na yahuli, batomboki pe te. ⁷ Ebhongi na mobange, ndje mokengeli wa ekalo, bodha moto wa bobanga Akongo, moto wa bhoisa gbeku te, anungedhi wa maana te, moto wa bhoyengeze dhoma dha bosoni te, moto wa alima; ⁸ kasi adhaa mogendja wa boyamba bagendja, mobhonghu,alima pe adhaa bodhee, ⁹ obho akaphea na ngudhu buka ephee ebhe ekaningidja mbhi bho adjee boningidja mateya mamenemene pe bohulidja buka ebhe ehakia ibo. ¹⁰ mingi mingi tei ya bagendja baakese ibho ngenga, ekatana bagendja ba ewedje, baabukedhi ba maloa pe bakosi, ¹¹ ebongi bobadhipa monoko. Bakaisa ewedje a matungu, boteya ngando dja bosoni djibongiti boningidja. ¹² Mosakoli omoti wabhu bheene aabuka : " Bakelete badhi poko susu bagendja ba dhikuta, tito babehu, bagendja ba boyo, bagoigoi. ¹³ Buka eebhe eke menemene. Mainanga obabgongee na ngudhu, bho babonge tei ya bondima, ¹⁴ pe bho baisombe na ngando dja bayuda na bagendja ba eleho ebehu bhabho bakakie ngando dja menemene. ¹⁵ Pamba ya bato bapele ngando susu djike pele; kasi pamba ya bato babehu pe bodjanga bondima, eyoma epele eti, kasi maleeni mabhu na djeba yaabhu dja beha. ¹⁶ Bakabuka bho badjei Akongo, kasi bakamongana na ngando djabu, bake bagendja bha nyaali, bha kendjo, bangemeniti nako na elomo emoti epele