¹ Maa bhotatea bhomadha tei ya Klistu, maa bhohemana bhomadha tei ya ngando dja lipalano, maa lisangana dha maleeni dhimadha, maa bhookeana iwa pe maa bolimbisi bhomadhaa, ² yeeni mosepi mambi modha mokokake, bhodha na endenge emoti, lipalano dhimoti, molimo momoti, maleeni mamoti. ³ Tokooni mokando nako momotite na dhileeni dha bhodjwana too dha heku ya edjegi, kasi bhoatitidja bholindeni bhoene bha bagendja badii bhaabiini ino. ⁴ Mogendja na mogendja teasele oko bhoakondjea bhande meene, asele pe bha bhadii. ⁵ Dhaani na bhindenge bhiadhaka atei ya Yesu Klistu, ⁶ oobho wadhaaka bhokopo bhomoti na Akongo, apalati bhoangemedje na Akongo, ⁷ Kasi aiapupa iyo meene, aitomba bhokopo bha mobhudhi, aiyaana na bagendja; aaningidjaka ndje mogendja wa edjegi; ⁸ aiatitidja iyo meene, aitosa tee a yogo, tee a yogo ya kuluse. ⁹ Mainanga Akongo aimokodja, aimonyea dhina dhibia mina masusu, ¹⁰ akpulia bho a dhina dha Yesu midhi kpaa magbueme dhiko, a ndeba pe na se ya ndemba, ¹¹ pe bhigendja bhisusu bhibuke bhohoye bho Yesu Klistu ake Kumu, a heka ya Akongo Yaa. ¹² Bhoo, bhaamina mbi, ndje akatose ino poko susu, nukanani ehele yaanu na bobanga pe na bhohala, ye oko poko eke mbi nanu siyo emoti, mingi mingi ndje etike mbi nanu siyo emoti ndjebondjebho; ¹³ Bho Akongo akanyeani makoki ma bhokoo ndje epali iyo. ¹⁴ Kooni ngando susu ye na bhondungubana pe na bhosusuma, ¹⁵ akpulia bho odhaani bagendja tebhabgongee ibho pe peto, bhana bha Akongo ba ndakisa tei y poko ebheebhe pe epooke, oho ekaenene ino ndje miinda a mongali, ¹⁶ mibho miwai buka ya ehele; pe nikoki bhoahekedja busa bha Klistu bho niapotati ebhango edjegi pe nialomati edjegi. ¹⁷ Pe nako tito wa mbeka pe akpulia elemo ya boyambi, mobongeini bhoa pe niasepi nanu basusu. ¹⁸ Ino pe asepani oko bhoa, pe asepeni na mbi. ¹⁹ Nike na elikia tei ya kumu Yesu bhoniilindeeni Timote bhebho, bho nidhise mbi meene ngudhu ya bhooka mubho mooseli ino. ²⁰ Bhoo nitike na moto wa ngando ndje djambi, bho bawaa mokando manu a molema; ²¹ basusu bakanukana oko bhoakondjea bhabhu bheene, ba Yesu Klistu kati. ²² Odjeini bho bhaamoengee, a bhoangea na mbi a elomo ya Mosambo mopele, ndje wana na sango. ²³ Nike na elikya bho waamonda poko yaenembi ndje eke mbi; ²⁴ pe nike na bondima tei ya Kumu bho mbi meene pe niakee bhebho. ²⁵ Niaene bho yaadhaka bopele niilindeeni wanima Epafrodite, aminambi wa elomo pe wa bhila, oobho waalindiani dhoma dimadjake posa dja mbi. ²⁶ Bhoo aapalaka boyeneni ino basusu, pe aatoba ngudhu poko yaadjea iyo bho waaokani mosambo ma epeko yande. ²⁷ Adhaaki na epeko, pe na saoti padhi na yogo; kasi Akongo aimookea iwa, ye oko yaande, kasi ya mbi pe,akpulia bho tenidhaa na iwa dhiko iwa. ²⁸ Niilindeini nande na bhogagala bhasusu, bhoo waasepeni na bhomoene koto nakina, bho mbi meene pe nidhaa na iwa maa bhotsedhu. ²⁹ Moyambani na mosepi mosusu tei ya Kumu, hekedjani bagendja ndje bhaa. ³⁰ Bhoo aatoba padhi na yogo akpulia elomo ya Klistu, aiket ehele yaande bho adhipe bodjanga banu bhodhaa padhi na mbi a elomo yaakomekeini ino.