¹ Polo na Tmoteo, bhabhudhi bha Yesu Klisto, akulia basatu tei ya Yesu Klistu, bhake a ngando ya Filipo, akulia ya mibange pe akulia ya bha diakono: ² bho, ngolu pe bho goo bho dhaa naanu bho djonga pambea Akongo Sangw'asu pe Mokondji Yesu Kristu! ³ Nika mokumise Akongo na maleeni mambi masusu akulianu, ⁴ poko susu , abho abhe la bhambi akulianu bhasusu, nikaabheli na misepi, ⁵ bho ningindja mosepi mambhi akulia bhosangana bhanu na mboli epele bhobhanda bhusa bha dhibhoso tii bheendee. ⁶ Nindimi bho obho obhandi tei yaanu elomo ena epele amongemedje akulia bhusa bha Yesu Klistu. ⁷ Eke bhopele bho leene bhwa akulianu bhasusu akuli naanu bhasusu a moeme mambi; bho ekeni bhasusu akopo na mbi na ngolu tei ya bho bhosangana na mbi pe tei ya elomo buka pe bho sombedja mboli epele. ⁸ Bho Akongo a tatolani, bho ni paini ino bhasusu na mipalano maa Yesu Klistu. ⁹ Niongi bho bhwabhela bhambi eke akulia bho dhipalano dhanu dhia pombee sio emoti na bho djea pe longeo bhasusu, ¹⁰ bho ongemedje ngando pele djibho djitike na bhobhehu akulia busa bha Klistu, ¹¹ a bho elumi ino na mbuma djabho yengebene andjia ya Yesu Klistu, na kembo pe na djisa ndjoli dha Akongo. ¹² Bhana bha ima, nipali odjeini bho mokando motanini mokoi bho Mboli epele esombe bhogala. ¹³ Mbulunga basusu bhakabhanee eise ya Kumu na bhaghendja bhadii bhagjei bhidhiebhe bho bhadungini a boloko akulia Klistu, ¹⁴ abho eweniibhoni bhainya ngaa kani panga, bhamaa ngwasu bhanene bhaiyapingindja tei ya bhoyambi, na bhokatelee buka ya Akongo na ngudhu, kati na bhoo. ¹⁵ Eke menemene, bhakina bhakakee bhokakee bhokaatelee Klistu na dhihuha pe na mosungiana; kasi bhadii na molema mopele. ¹⁶ Baghendja bhabho bhakakoo bho a na bhopala akuli bhadjei bho bhalindini bho ni bhanee Mboli Epele, ¹⁷ bhadina bhabho bhake na maleeni ma mobukiano bhakatelee Klisto na dhikakaa ye na menemene, na maleeni bhobhakeeni koto pasi atei ya boloko. ¹⁸ Kasi mokando nde? Nakobhoa, edhaa na ndjia ya maloa nako ya menemene, ibho bhasusu bhakatelee Klisto, mokabongeeni, pe moabhhongeeni nakina. ¹⁹ Bhoo nidjeibho ngando djia susu djike oko akulia ehele ya mbi, andjia ya bhoabhela banu na lisungi dha Molimo ma Yesu Klisto, ²⁰ posa pe elikya yambi eke bho nitaoka bhosoni, nidjei ndjebo, ndjebo pe na poko susu bhoheka ya Klistu eya enene tei ya mbi, nako bohela bhmbi to bho gwa; ²¹ bhoo ehele yambi eke Klistu, pe yogo yambi eke na litomba ²² Kasi nimadhaa na ehele akuliya elomo ya mbi ni nidjeiti eyoma ehooke mbi. ²³ Bakandindaakani pamba susu nike na posa ya jawa a mongai bho nikadhaa na Klistu , a akopo ebii bhopele; ²⁴ kasi akuli yaanu eke bhopele bhobia bho nidhaa na ehele. ²⁵ Pe nidjei bho niadhaa pe nia eme tei yaanu akuliabho opingeni a tei ya bhondima pe odhaani na mosepi, ²⁶ abho yahula ebhimbi padhi naanu odhiseni tina enene ya bhoahekedja a tei ya Yesu Klistu. ²⁷ Namaina, asombedjani na bhokopo bhobhongu bha Mboli Epele, bhoo naako nidhoo bhodha seleni, naako nidhoiti nidhise mosambo bho ino bhasusu okasombani ndjia emoti, okaadhani na molema momoti bhila bha bhondima Mboli Epele, ²⁸ todhaani na bhoo na bhaabho bhakaa yanedjani, ekaningidja bho ibho bhagwa, ino wahelani, ²⁹ mwa modjongi pambeya Akongo, akuliabho odhisitini oko ngolu ya bhomondima Klistu, kasi odhisakeni elongosa akuliya nde, ³⁰ bhwana bila bhiibho bhiaenekeino mbi niabhiana,pe bhikaoka ino niabhiana ndjebhondjebho.