¹ Bataata ba Yesu Klistu, wana David, wana Abalama. ² Abalama aibota Izaka; Izaka aibota Yakobo; Yakobo aibota Yuda pe bamaanyango; ³ Yuda aibota Tamar Farese pe Zara; Farese aibota Esrom; Esrom aibota Arama; ⁴ Arama aibota Aminadaba; Aminadaba aibota Naasona; Naasona aibota Salomona; ⁵ Na Rahaba Salomona aibota Boaze; Na Luta Boaze aibota Obede; Obede aibota Isaii; ⁶ Isaii aibota Davidi. Kumu Davidi aibota Salomo na wadhi wa Uria; ⁷ Salimo aibota Roboame; Roboame aibota Abia; Abia aibota Asa; ⁸ Asa aibota Zozafata; Zozafata aibota Zorame; Zorame aibota Ozias; ⁹ Ozias aibota Zoatame; Zoatame aibota Akaz; Akaz aibota Ezekias; ¹⁰ Ezekias aibota Manasee; Manasee aibota Amona; Amona aibota Zozias; ¹¹ Zozias aibota Zeekonias pe bamaanyango, poko yaakee ibho a bhobhudhi a Babilone. ¹² Lingongo dha bhobhudhi a Babilone, Zeekonias aibota Salatiele; Salatiele aibota Zorobabele; ¹³ Zorobabele aibota Abiudi; Abiudi aibota Eliakimi; Eliakimi aibota Azor; ¹⁴ Azor aibota Sadok; Sadok aibota Akim; Akim aibota Eliud; ¹⁵ Eliud aibota Eleazar; Eleazar aibota Matana; Matana aibota Yakobo; ¹⁶ Yakobo aibota Yozefu, moomi wa Malia, oobho waabota Yesu, okabhee ibho Klistu. ¹⁷ Susu eke zanza zomi na zinei bobanda Abalama tee a Davidi, zanza zomi na zinei bobanda Davidi tee a bhobhudhi a Babilone, pe zanza zomi na zinei bobanda bhobhudhi a Babilone tee a Klistu. ¹⁸ Sele bokopo nde boatoma Yesu Klistu. Nyango, Malia, oobho waapangeaka ibho na Yozefu, aatoba na dheemi na nghudhu ya Molimo Mosatu, liboso bho badhaa moki. ¹⁹ Yozefu, moomi waande, oobho waadhaka mogendja mopele pe aapakati bamoifa tiambo, aadhaaka na maleeni ma bhomokia na bhodee. ²⁰ Yaadhaaka iyo aaleene bhoa, angelu wa Kumu aimopundjia a ndjotsi pe aibuka naande: Yozefu, waana Davidi, todhaa na bhoo bha botomba pambe ya we wadhi wawe Malia, akpulia bho dheemi dhike iyo naadhu dhidjongi pambe ya Molimo Mosatu; ²¹ aabota waana moomi, waamonyea dhina Yesu; iyo nga waadjodje litungu dhande a masumu ma nde. ²² Mokando muwa mosusu moatoba akpuli bho mubho mwateleebhi Kumu na ndjia ya profeta mokomeene: ²³ Sele, waana wadhi aawaa dheemi, aabota waana moomi, bhaamonyea dhiina Emanuele, einingidja Akongo tea yaasu. ²⁴ Bosusua bha nde, Yozefu aikoo ndje yaamodjedja anzelu wa Kumu pe aitomba wadhi waande. ²⁵ Kasi baasangedjati mokuku tii poko yaabota iyo waana moomi, oobho waanyea iyo dhina dha Yesu.