¹ Moko, yeani pambea bhabhudhi bhanu ebhe engemeneke, pe ebhongi na bhodjeaka ino okeni na mokoto ake a dhombe. ² Amekeni ate ya bhoa bhelaka, na bhokengele na mokako ma ngolu. ³ Abhelakani akuliasu bho Akongo a edhupue modhipe akulia buka na ndenge nihone bhotele elomo ya Klisto ebhe ninyangani ateyi minyololo, ⁴ na ndenge bho nidje bhokuka. ⁵ Asombedjani na ndata na bhabho bha tiambo, pe ahendeani poko. ⁶ Na bhobuka edhake masu masusu na ngolu esunganake na mokpa, na su odjeakeni bhoane omoti na omoti. ⁷ Tisipe, ngiana mopee pe mobhudhi, amina wasu wa elomo ateyi ya Kumu, ateleni susu a mokando mambi. ⁸ Nika molinda ebhango pambea yanu, bho odjeni endenge yasu pe akulia atateleni milema manu. ⁹ Naka lindiani Onezime, mangwasu mopele , ake wanu a djedjeni susu djikanyoo onobho. ¹⁰ Alitake, amina wambi wa bhobhudhi, alindei agbaya, na Malako, maa noko ya Balabasi, akulia tina ya bhodhisa bha molongo ( akatobha pambeanu omosepeni); ¹¹ Yesu abhea Jetusu, alindeni agbaya pe. A molongo ma bhabho bhakese bho dhiombe, ibho bhabho bhasaa na mbi elomo ya Akongo pe bhabho bhadhaa akulia bhatateakani. ¹² Epafalata, obho aki wanu, alindeni agbaya: mobhudhi wa Yesu Klisto, tambee bhoyaneani adjia ya bhela, a tina obhongu na bhoanyoko bhokoki, na bhoanyea mobimba, na bhoatitidja ateyi ya mokano ma Akongo. ¹³ Bho nika mohekedja, akulia yanu, na ngudhu enene ekakooyo akulia bhabho bhalaodikia, na bhabho bha Liadise, pe na bhabho bha Iyelapolis. ¹⁴ Luka monganga ma ngwasu alindeni agbaya na pe Demasi. ¹⁵ Bhanea ngiana dji susu bhake a Laodikia, pe Nifa, pe ekalo enhe eke ateyi ya eyise yande. ¹⁶ Namena anolangani etumba ebhe ateyi yanu, kooni pe na endenge ya bholangea ekalo ya Laodikia, pe na engala yanu Langeani bhabhobhadhoa a Laodikia. ¹⁷ Pe mobengeani Asipe: Bhanea elomo edhisi we ateyi ya Kumu, bho oengemedje bhopele. ¹⁸ Mbi Polo, nilindeni agbaya na ebhoo ya mbi meene. Leneni djibho djia nyangani. Ngolu edhaa nanu