¹ Nipai, na tina, djeani mbi nikanaa bhila bhinene akulia nu, pe akulia bhabho bhake a Laodikia, pe akulia bhabho bhanekini ka mbanda ya mbi ya mokuku, ² tina bho milema mabhu milume na bhodee, bha nyangane akopo na dhipalano, na bhoalumidja na djebha akulia bhodjea elomo ya Akongo, bhodjea Klisto, ³ elomo ebhe ya bhanea eyoma ya motiyo ma ndata pe bhodjea bha ngando. ⁴ Nibukini na tina mogedja akoseni a djia ya buka nenee djabho bhobhehedjani. ⁵ Kasi nidhaiti badhi naanu na mokuku, kasi na molimo eke akopo weneni mosepi na molongo monyukake ateyi yanu, pe na bhoapuja na bhondimabha Klisto. ⁶ Na mena, ino bhabho bhamoyamba Yesu Klisto, sombani ateyi ya nde, ⁷ na endenge ebhe ya ema ino ateyi ya bhoyambi, eleho ebhe ya dhisano ya bhogola na matondi ma ngolu. ⁸ Abhaneani mogedja adha tombeni, dje bhoaka, bhande na hileho filozofi pe yena buka ya malowa mabhehu na bhohelea a taata, na ngando dja mongai, pe ye dja Klisto. ⁹ Akulia bho ateyi yande ehele ya bhokumu ya luma. ¹⁰ Ino okeni na susu bhongbo ateyi ya nde iyo ake mokoto, bhokodja na bhokumu. ¹¹ A djia ya nde ino wa keseni dhiombe ye na ebho ya mogenja kasi na dhiombe dha Klisto, dhabho djoedjeni ateyi ya mabhehu mamokuku: ¹² Wa dhani bhewusiani na nde adjia ya bhatisimo, na bhowa o isuswani na nde adjia ya bhondima na ngudhu ya Akongo wa mosusudja a bha goo. ¹³ Ino wagwakani akulia mabhehu manu pe na bhodjanga bhokese maombe ma mikpoto ayingidjani a ehele naande, na bho ekome ngolu akulia mabhehu masusu; ¹⁴ Etike...... ¹⁵ a dha owa magbu mabho maekoedjek, mabho ma ekodjaka amabhehedja, nabho makeya a ekulusu. ¹⁶ Mogedja asambedjeni akulia bhoaka na bhonunga, to ya mapati, inako bhoiwa bha songe, to Sabato: ¹⁷ ena yadhaka esii ya ngando djidhoake, kasi djieneni pambea Klisto. ¹⁸ Mogedja nakomoti, awenedje na bhoatitidja na djiya ya bhoabhela bha bhaodjelu, akatoni eyoma ya motiyo, ma ebhango na bhokiaka bho odjowe ateyi ya ewenedhi pe bhaiya ngundu medja, endjombo ebheebhe na maleni ma mokuku, ¹⁹ ye na bhoapeya na makumu, bho mokuku mobimba, na bhoawenedjeke, akopo na bhondongedjanaka, moka, monyango mwa bho apingidja, na Akongo mokanyeayo. ²⁰ Inako wa ngwani na Klisto, a mabhehu ma mongayi, na ndengenele, mena inako okahelani a mongayi, toyingi dgo ni bho taata: ²¹ Na bholembea! to tombe to dheedhe, te! topote! ²² na ngando djibho djidhoyi bhodha bhehedja, pe djitike djibhongu, abholembea, eke bhonedja bha bhagedja? ²³ A menemene, bhawenedje djebho bhake na ndata ekanedja a losambo dha bhoanyea, na bhoatitidja pe bhokiya mokuku, kasi bhatike naembawo, bhokakome mokuku bho mosepelisa.