¹ Polo, toma wa Yesu Klisto, a mokanga ma Akongo, pe ngiana Timote, ² pambea bhangiana bhasatu pe bhandimi ateyi ya Klisto bhabho bhakeni a Bakolosa; ngolu pe bhogoo bhodhaa nanu adjia ya Akongo Sangwasu! ³ Ekahanedja modoo pambe Akongo, saa Kumu wasu Yesu Klisto, etka ambee bhoabhela akulia yanu, ⁴ Eyoki mosambo manu mabhondima ateyi ya Yesu Klisto pe dhipalano akulia bhasantu bhasusu, ⁵ atina ya elikia ebhe bhabho leani dhiko , buka ya menemene,buka epele ebhe ya djeano gala. ⁶ Ebhe eke ateyi yanu pe ateyi ya mongai mobimba; ekawa mbeku, pe bhopinga, na emelenge ino, bhanela bhusa bhoakano pe odjeani ngolu ya Akongo, bhongemene ma menemene, ⁷ na dhingongo dhabho nedjani bhoadhisa ino pambea mangwasu Epafola, amina wa elomo obho wa bhaugo akulianu mobudhi wa Klisto, ⁸ pe a etele dhipalano dha molimo dhika heleano. ⁹ Na mena bhanda yaoka inso mosambo, etika yee bhoa bhela akulianu Akongo, ekaonga bho agoledjeni na ndata ya mokanga mande na djebha ebhe te wenene, ¹⁰ akulia osombeni na endenge ebhongu ya Kumu, pe omodheyeni bhopele, obhoteni mbeku susu dja misaa mipele na bhopinga adjia ya bhodjea Akongo, ¹¹ apingidjani nasusu na djia ya ngudhu ehekake, na ndenge bho odhakeni na mosepi moemeke pe na bonyana milema. ¹² Monyeani modoo na Yaa, obho wa nyeani ekenge ya ekima ya bhasantu ateyi ya bhohoyee, ¹³ aiyefa a ngudhu ya modhidhi, aikee nasu a ngando ya bho Kumu bha mongbongi wande wa dhipalano, ¹⁴ nande ehela na bokia mabehu. 5 Iyo akee esii ya Akongo obho tawenene, mobhotami wa dhiboso a mongai. ¹⁶ Nande akoo dhooma dhisusu dhike dhiko pe dha ndebha, dhi weneneke na dhibho te dhi weneneke, ngbelengo, sukpu, bhokodja, bhokumu. Dhisusu dhia komene na ndee, akulia ndee. ¹⁷ Adhaka dhiboso dha dhoma dhisusu, pe dhisusu dhoma dhike akulia ndee. ¹⁸ Ake molo ma mokuku dhingomba; ake moengeno, mobhotami wa dhiboso ateyi ya bhago, na bhodhaa wadhibhoso. ¹⁹ Akongo apaa dhigola dhidhaa ateyi yanee; ²⁰ iyo epaa bhokama na bhasusu nandee, na bhabho bhake a ndebha na bhadhiko, na bhokoo bhogoo, na djia ya makiya ma ekulusu ya nde. ²¹ pe naino waadhakani bhadidi, pe bhabhehu a maleni mabehu, na misaa, djebho ahulidja bhokani adjia yogo ya mokuku mandee, ²² akulia ino kooni odha bhasantu, na bhodjango mabhehu na bhopameate, ²³ inako ameeni pe ohaleni ateyi ya bhondima, yebho okieni bhodha ateyi ya buka epele ebhe yaoka ino, ebhe yaelehana mogendja mosusu tina ya dhoombe, pe mbi Polo w'atobha mobhudhi. ²⁴ Mbi nikaasepa djebho na makaaka akulianu, pe na etamba ya Klisto, mbi niayoka a mokuku, akulia mokpoto ma dhingomba. ²⁵ Na nde yakoo mbi mobhudhi, dje muna mwa nyeani Akongo akulianu, natina nitelene buka ya Akongo, ²⁶ mokando mwa bhomba bho poko bhodhoo, pe na bhikeke, kasi bhiwenene djebho na bhasantu, ²⁷ na nde Akongo apaa bhoneedja heka enene ya elomo pambea bhapagano, bhodjea: Klisto, elikia ya heka. ²⁸ Iyo bho wateleni inso na bholeha, mogedja mosusu, pe bhonedja bhagedja na ndata esusu, natina bho wenedje Akongo mogedja mosusu adhoo. ²⁹