¹ Basakoli bha lokuta bha djangiti tei yaasu, oko bhoa bhalakisi bha malowa bha pundja tei yaanu ibho bhaifa bhikalo bha malowa, bha bhehedja milema manu pe bhakia Kumu obho wa bha ifa, bhowa ibho bheene bha anyukiana yogo bhogala. ² Bhato bhasusu bha dhua bho kopo bhabhu bhobhehu, bha yee djiaa bhosembo akulia bhu. ³ A bhoyo bha faanga bhaakosani dhoma, bhakese gala ngando djabhu bhanda gala yogo yabhu etaeme dhea. ⁴ Poko bhaandjelu bhaako dhisumu, Akongo abhalimbisati, kasi aibhadhumba adhifelo a dhibhea dha modhidhi, abha gbomo ho ti bhusa bhuakese iyo ngando dja bhu; ⁵ aokea ti bhato bhaga iwa, ailinda pela enene pe aiyowa bhato bhamokia, aiheledja oko bato mwambe , Nowa, aadhaa tei yabhu; ⁶ ainyea ndje ndakisa a bhagendja bha dhowa dhingongo pe bhakia bhotosa Akongo ndje yaa ongendje iyo Sodomo na Gomolo ⁷ kasi aimoheledja Loto mogendja wa bhosembo, obho aadhaka bhooka molema epeko abhoene ewedje ya bhato bha bhehu, ⁸ iyo adhaa tei yabhu, pe dhasu na dhasu aadhaka bhoene pe bhooka ngando bhehu djabhu. Ngondo djia ndjaa okedjaka molema mande masembo epeko. ⁹ Kumu aifa bhata bhopele a minyoko, anyea etumbu na bhato bha bhehu. ¹⁰ kasi ekee na bhandje bhaabho bhahela na posa dja mokuku bha bhisa etumbu na bhabho bhawendee bhokuku bhande, bhake bhato bha goi elongosa te bhadhaa na bhoo bha bhoboko bhandjelu, ¹¹ nako bhaandjelu bhabhambi ibho ngudhu, bhata bhatsongee to bhobhagbhnda ibho a miiso ma Kumu. ¹² Kasi bhagedja bha mofunda bhowendee ngando djidjeiti ibho. bhake agboda, djibho djikabhotane akulia bha djidhunge pe bha djiwo, oko bhoa, ibhope bhagwa akulia bhobhehu mabhu. ¹³ bhaa aka epeko akulia epeko ebhe ya okendje idho bhato bhakina. bhaakaka monyamu a bhodjua posa ebhehu ya bhuu amiso ma bhato; bhake bhato bhapita, bhabheha gala. Abho bhaakaka esia emoti, bhanyukanaka bhongola na dhia pe maloa. ¹⁴ Miiso mabha malimi na etebha, pe teembe bhokoo masusu, bhakakosaaka bhagendja bha milema ma bhopetee; milema mabhu mimesai bhogo bha faanga; bhake bhana bha mobee. ¹⁵ Abho eyeibho ndjia yameme, bhaibhonga akuliya bhondjua ndia ya bhalame, wana wa Bosoro, iyo asungiana faanga djibho adhisi nangando djidjangi bhosembe, ¹⁶ kasi bhaikendja nande akuliya bhobhehu bwoyo, punda, kito endjengi, aibhanda bhobuka moto akuliya mosakoli ayee ngando ndja bholala. ¹⁷ Bhagendja bhaa bhake bhiso bhiti na dhua, mapata makabhengana mopepe: bha sukia amodhidhi makasi. ¹⁸ Na bhuka nene ma mafunda, madjongi tina pe na bhidjaleli ya bhabho bhakadjua bhiposa bha mokuku,bhakanyukane, mabhehu ebhe ekodjonge akuliya bhobhedja bhagendja bhabhungee; ¹⁹ bhabhabhuaka bhosoi, napoko ebhe ibho bhadhaaka bha bhudhi bhabhoabhehedja na bho emoti ake mobhudhi ma ebhe ekaalonge djaiyo meene ²⁰ Na bhawa, dhingongo dhabhoa ifa napita djamongai andjia ya ndjea Kumu pe eledja Yesu Klistu, obho wa ingidjano pe bhahelea, endenge ya bhendee bhonyo ya dhibhoso. ²¹ Eke bhopele akula abhu, bhaadjeati ndia ya bhoyengembeni, bhubho bhoabhunge ibho na dhingongo dhandjea dhikpu dhisatu dhiabha nyaa ibho. ²² Ebhe ebhatobhei ndje ya buka dhitsatsa: nvaa ahulei mikango pe ngoa akuliya atei ya dhaamba.