¹ Mbi Simoni Petelo, mobhudhi toma wa Yesu Klisto nielindeini agbaya, iso na iso edhisi bhodjima bhonene, akuliya bhosembo bha Akongo pe moheledji waasu Yesu Klisto: ² lumani na ngolu pe na bhogo dje edje edjeino Akongo pe Kumu waasu Yesu! ³ Angudhu yaa nde enene Akongo aenyea masusu makoki naa su akulia edha na ehele pe emokomee, aeningidji nda obhei a heku pe nangudhu ya nde. ⁴ Na heku pe na ngudhu ya nde aebhinia ngando neene pe aimangemedje, watiani boluli bhoka bhehedja mongai, pe oingeeni aboi bha Akongo. ⁵ A mokando muwa, kooni ngudhu esusu bho oingidjeni ngando pele a bho ndima, oingidjeni pe agbonda, ⁶ a agbonda bhonyanga molema, abho nyana molema lindi, a lindi bholomea Akongo, ⁷ abholomea Akongo dhinyango, a dhinyango, dhipalano. ⁸ Omadhani na mabhongi mubho masusu pe olumeni na amu, maakoo bho oife ni misala pe obhote ni mbuma obho edje ino Kumu ya asu Yesu Klistu. ⁹ Moto otike na mabhongi mabho ake na madjipi, teaene bhopele, aibhosana bho bhaasosa masumu ma nde magala. ¹⁰ Ina nga, bhana bha ima, kooni ngudhu bho ondimeni bho Akongo abhei pe aiehoni; oma kooni bhowa otakwani a lisumu. ¹¹ Oko bhoa bhaandimini bho oingeni obho Kumu bha seko bha Kumu pe moheledji wasu Yesu klistu. ¹² Nitaye bho timidja ngando dji bho poko susu naako dje edjeino oiyemani atei ya bhondima. ¹³ Niingaki niatimidjani ngando. Abho ekembi na ehele, ¹⁴ ni djei bho nitaeme habho dhea, Kumu waasu Yesu Klistu adjei ni. ¹⁵ Kasi abho kee bhambi otimake ngando dja mbi dhingongo ¹⁶ Abho yadjedja iso bho Kumu wa suu Yesu Klistu ahula na ngudhu ya nde, yatutiati miteli miteli ma pambapamba te, ma bho madjongi a ndata ya bha gedja, iso bhene ya wene sukpu djende na miso. ¹⁷ Na bho bhoheku na sukpu, sukpu ebhe ebhongu ya okana dhooyi dhiabuka : Obho ake mongbongi wa mbi wa dhipalano pe naande niasa molema ma mbi. ¹⁸ Iso bheene eya oka dhooyi dhi djonga dhiko poko ya dhaaka na ande a mokodhi esatu. ¹⁹ Akulia bho iso ya ema mingi abuka ya esakweli na ebhe ekoino, eke bhesili dje tala ebhe ekeyowa ateyi ya esio ya modhidhi, tee na dhaasu dha dhowa bho dha wenene pe bho mondjotso ma mongbakedhi moema ateyi ya milima ma nu; ²⁰ djeani naanu bheene esakweli ya modhingo eedhaa akulia bhonidja bhonu bha meene, ²¹ na bho etike na bhopala bha mogendja te bho buka ya esakweli ya dhoa, kasi eki na bholindama bha ndjia ya Molimo Mosatu bhagendja bhaibuka na ya Akongo.