¹ Kasi molimo akabuka na bho ngemedje, na masu mabho masuka, bhanene bhayee bhondima, akuliya bhakaapeya na milimo mibungidjake, pe na masambo ma milimo mibhehu, ² na bhikosako,bhalakisi bha bhehu, bhaawa bhilembo dha bhobhungidja ateyi ya milema mabhu peedja, ³ bhalembea bho bheyose, na bhokiidja bhaeyake dhia dhibho Akongo adhikoo, akuliya bho dhitomba na bhonyea matondi na bhabho bhake bhosembo, bhabho bhadjei menemene. ⁴ Bho dhisusu dhiakoo Akongo, dhike dhipele, eyoma nako emoti edhumbake ibho etike. Oko oetombe na bhohuledja matondi, ⁵ bho dhisusu dhitobhi bhongoo, na buka pe na dhibhondeli. ⁶ Na bhonedjaka ngando djibho pambea ngiana wee waadha mobhudhi wa Yesu klisto, na bhopinga na buka ya bhondima, na dhilakisi dhikoki dhia tutea we peendja. ⁷ Djoedje bhosambodhi na huko bhehu; ⁸ akoomake wemene na bhongoo, bho na bhokomedje mokuku eke na dhitomba na bhangando, bho bhongoo bhoke na dhitomba dha suusu, na bhoa eke na bhobhunea bha ehele ebhe pe naebhe eka dhoa. ⁹ Na ena eki buka ekoki na mobhuma etomba dje ekiyo. ¹⁰ Iso ekakoo na esusu bho eyane, na eyise elikiya ya su ateyi ya Akongo obha ake mou, iyo ake eheledja wa bhagendja bhasusu oko abhabho bhandima. ¹¹ Buka ngando djibho pe djineedja. ¹² Na bho mogendja aiwendee ewenge ya we; kasi dha eseyedhi, ya bhandimi, a buka na bhoasombedja, bhopala, na bhondima, na bhohela bhopele. ¹³ Teeena poko ya dhaakaibhi, mbi aayeaka na bholanga, na bhileho na bhonedja. ¹⁴ Owene dhikabho dhi ateyi yawe edjegi te, dhibho dha dhisa we andjia ya esakoli na bhobhakea mabha ma mbange. ¹⁵ We anyea na ngando djina na bhoaye mosusu na dju, na bho dhibhongi dhena peendja akulia bhasusu. ¹⁶ Akengeleke we mene pe dhiko dha bhonedja: emee ateyi ya ngando djibho na bhokoko bhoa waheledja we mene pe na bhabho bhakayoka.