¹ Buka ebhe eke menemene inako mogendja akadha na eposa bho awa muna mabho dhaa mobhange, ake na eposa epele ya elomo. ² Esengeli bho mobhange bhai motane na bhobhehu, moomi wa mwadhi omoti, wa bhoalongea, obho akasombe na bho abha obho aka djedja bhagendja, bhonedja bha bhongoo. ³ Aedha na bhoanyea na vinyo, ye wa dhikaaka, adha wa bhoapeya bha molema, na bhosondje ngando. ⁴ Esengele bho abhongedje eyise ya nde bhopele aneedje ngbongi bhasombe na bhoatitidje pe bhoalongea; ⁵ moka dhabho mogendja ahoniti bho bhongedje eyise yande mene endengende ya bhanea yo ekalo y'Akongo? ⁶ Aidha mondimi monyie te, na bho atobhe na lolendo na bho ekwa a dhisoo dha mondili. ⁷ Esengele bho adha na mohema mopele, abhabho bhatiambo, na endenge bho ekwa ateyi ya bhosambodhi pe a dhibhekea dha mondili. ⁸ Bhasungi pe ibho bha dha bhoa bhanea a bhopele, bha ife a mobukeano, na mboma ya vinyo, na posa dja edjegi, ⁹ bhabhale elomo ya bhondima, ateyi ya ndata ya bhongoo. ¹⁰ Naha na bhobhaseye na dhibhoso dhabhokoo elomo, nabhodjanga bhobhehu. ¹¹ Bhadhi bhabhu pe bhasombe na endenge epongu, ye na mabhehu te na bhosii bha ngando susu. ¹² Mosugi abhongi adha na mwadhi omoti, apindje ngbongi bhopele pe eyise yande; ¹³ obho wa liimidja bhopele elomo yande bhamoho. ¹⁴ Nika dhiliani ,ngando djibho na elikiya ya bhodhoa djembo pambea we, ¹⁵ kasi djeabho nika dha na mindondo mabhodhoa esengele bho wasombedje ateyi ya eyise ya Akongo ebhe eke ekalo ya Akongo obho eke mou, makuwe na bhoayekebha menemene. ¹⁶ Nabhokia bhoemea elomo ya bhogoo bhonene na hobho aneedja na mokuku, aindimana na molimo ewenene na bhandjelu, bhaimonedja na bhapagano bhai mondima ateyi ya mongayi, bhai mwemedja na supku.