¹ Simela loundo olofi lwa Mungu atite yasu, lita lambo toteme bana nde! Ambeke mohili mulubi iso lita la mbo mulubi inde. ² Baelo ba loundo tole owani wani bana ba Mungu. Elenge yeba bono iso ya lubani; nde tolube mbo, ekeka yengana abono yo toba abono elenge yemoti laa nde, lita lambo toene abono inde elenge yele inde. ³ Oyo ekumbaela laa omoongo enyemwa, obona ale inde angene ndjaa. ⁴ Oyo etonga obe aobuna ngele, bokeli obe yele nde bobuni ngele. ⁵ La bolubi mbo Yesu ayei lita la bosooli obe, la obe ango bomoti boti ale inde. ⁶ Oyo ale atite yande, aitonge obe; oyo ekela obe aitsheni inde, la ailubi inde. ⁷ Bana boli, moto aititaee ino. Moto etongela omoongo ale tondoyo, obona ale inde angene tondoyo. ⁸ Oyo etonga obe ale nde moto ya mwenda mobe,litalambo mwenda mobe ale la obe okba laa litshatshelo. Mwana ya Mungu ya Mungu ayei nde lita la bosoli ndjaso ya mwenda mobe. ⁹ Oyo abotemi la mongu aitonge obe, litalambo moloho mwa Mungu mole atite ya nde; aitshengani otonga obe, lita la mbo abotemi la Mungu. ¹⁰ La elenge yeyo nde yelubana bana ba Mungu la bana ba mwenda mobe. Oyo aitshengali omoongo ati eya Mungu, elengeyemoti la moto ona ainangi mwelo ya nde. ¹¹ Litalambo, la elenge yelubesema ino la elenge ya owaa ino sokba la litshatshelo, yele mbo tonangeseme iso laasu, 12 la tobee ambo Kaina oyo abaa la maluhanyi mabe, la aolaa mwelo ya nde. Aola to inde lita la iyeto? litambo ndjaso ya nde yabaa mbee, eya mwelo yabaa tondoyo. ¹³ Beelo bamba bokamwee, ambeke mwano mofelesene laanu. ¹⁴ Tolubi mbo tosokbi laa loho boeti la boumi, litalambo tonangi beelo basu. Oyo ati la loundo ale atite ya loho. ¹⁵ Oyo afeleseni la mwelo ya nde, ale nde mooli mwa bato, bolube mbo mooli mwa bato ango omoti ati la boumi bwa omoongo. ¹⁶ Tolube loundo lita la mbo afi boumi bwa nde lita lasu. Yengani mbo iso limoo to fe boumi bwasu lita la beelo basu. ¹⁷ Ambeke moto ale la liboli la mohili nde eene mwelo yqnde laa muundu, ekandela inde motema, yaito elenge loundo lwa Mungu lole ale inde? ¹⁸ Bana boli, tonangee foo la maohi, la elaha, nde la masala la omoongo ¹⁹ Labona toluba bono mbo tole laa omongo, la toenese bono mbo mitema mwasu mile ale inde; ²⁰ italambo ambeke mitema mwasu mifa iso miengi, Mungu ale mofi boeti mitema mwasu la olubi ndjaso fee. 21 Beelo ba loundo, ambeke mitema mwasu miife iso miengi, tole la mbowa ale mungu. ²² Ango nde tolengele inde, toboloale inde litalambo tobui kboo ngele ya nde, la tole tokela eyi yi henelesa inde. ²³ Hane ngele ya nde yele mbo: toimele la lina la Mwana ya nde Yesu Kilisito, la mbo tonangeseme elenge ya ngele yefi nde iso. ²⁴ Oyo ebwa kboo ngele yeye ale atite ya Mungu, la Mungu atite ya nde, la tooluba mbo ale atite yasu la mwenda mofi inde iso.