¹ Eye yebi o laa litshatshelo, eye yowi iso, eye yeni iso la maiso masu, eyi yitengeli iso, limoo la eyi yimati iso, eyi yisimeli yisimeli yoohi la boumi, ² Litambo boumi boenesemi, la toeni yo la toenesi ndembe yande, la tolubesa ino boumi bwa omongo, ebo bobi ale sango la eyi yenesemi iso, ³ yeni iso la eyi yowi iso, tolubesa ino, lanu limoo, litalambo ino limoo bobe esiya yemoti lasu. Angoho, tole esiya yemoti la sango limoo la mwana ya nde Yesu Kilisito. ⁴ La tosiya ndjaso yiyi, mbo enyange yasu yetume. ⁵ Mboli yowi iso ale inde, eyi tolubesa ino, yile mbo Mungu ale monyanya, la ale inde ngundu yetiho. ⁶ Ambeke toasa mbo tole esiya yemoti lande, angoho tole to ende la ngundu, tosititaa, la tutongle omongo. ⁷ Ambeke toende la monyanya, ani ale indeangene la monyanya, tote lande esiya yemoti, la maila ma Yesu Mwana ya nde manyemolo iso la obe bo fee. ⁸ Ambeke toasa mbo toti la obe, tole toitisaesana iso angene, la omoongo yeti lasu. ⁹ Ambeke tosomolo obe bwasu, ale tondoyo lita la bomeseli iso la bonyemoli iso la obe bo fee. ¹⁰ Ambeke toasa mbo tukeli obe, tosele inde moititai, la yoohi la nde liti ale iso.