अध्याय १

1 येशू ख्रीस्तानी वंशेवळी येणेप्रमाणे; तो दावीद्ने कुळमजलमायेना दावीद अब्राहामने कुळमधलाअस्ताल; 2 अब्राहाम इसाकना आबास अस्ताल ;ईसाक याकोबना आबास अस्ताल ; 3 यहूदा पेरेस आन जेरहाना आबास अस्ताल ; [ त्यान्ही आईस तामार अस्तेल ;] पेरेस हेसरोना आबास अस्ताल हेस्रोन रामांना आबास अस्ताल ; 4 रामा अम्मीनादाब्ना अबास अस्ताल अम्मीनादाब नहशोंनाअबास अस्ताल ; नहशोन शेल्मोन ना अबास अस्ताल ; 5 स्ल्मोन बवाज्ना अबास अस्ताल [बवाजनी आईस राहाब अस्तेल ;] बवाज ओबेद्ना आबास अस्ताल [ ओबेद्नी आईस रुथ अस्तेल ]; ओबेद ईशा ना आबास अस्ताल ; 6 ईशाय दावीद राज्याना आबास अस्ताल ; दावीद शलमोन ना आबास असताल [ शेल्मोननी आईस पहिली उरीयानी बायकू अस्तेल ;] 7 शलमोन रहबाम ना आबास अस्ताल ; रह्बाम अबीया ना अबास अस्ताल ; अबीया आसाना आबास अस्ताल ; 8 आसा यहोशाफाटना आबास अस्ताल यहोशाफाट योरामना आबास अस्ताल ; योराम उजीयाना आबास अस्ताल ; 9 उज्जीया योथामना आबास अस्ताल ; योथाम आहाज ना आबास अस्ताल ; आहाज हिज्कीयाना आबास अस्ताल ; 10 हिज्कीया मनशेना आबास अस्ताल ; मन्श्शे आमोनना आबास अस्ताल ; आमोस योशीयाना आबास असतल ; 11 योशीया य्खन्या आन त्यान्ह; भाऊस यासना आबास अस्ताल ;जव्हा येहुदी लोकासला बाबेलम गुलाम म्हणी लीझायेल तव्हा हाय व्ह्येनाल ;] 12 त्यासाला बाबेलम लीझाल्यावर नंतर नी वंसेवळी येणेप्रमाण'; य्खन्या शल्तीएलनाआबास असताल ; शल्तीएल जरुब्बाबेलना आबास अस्ताल ' 13 जरुब्बाबेल अबीहुद्ना आबास असताल ; अबीहूद एल्याकीमना आबास असताल एलयाकीम अज्जूरना आबास असताल ; 14 अज्जूर सादोकना आबास अस्ताल . सादोक याखीम ना आबास अस्ताल याखीम एलीहुद्ना आबास असताल . 15 एलीहूद एलाजारणा आबास असताल . एलाजर मत्तान ना आबास अस्ताल . मत्तान याकोबना आबास अस्ताल. 16 याकोब योसेफना आबास अस्ताल . योसेफ म्रीयेना नावरास असताल . मरिया येशुनी आईस अस्तेल . येशूला * ख्रिस्त * आखीत . 17 हेप्रमान अब्राहम पहीन दावीद प्यर्न्त चवदा पिढया व्ह्येन्यात आन दावीद पहीन बाबेलने बंदिवास पर्यंत चवदा पीढया व्ह्यन्यात . बाबेलने बंदिवास पहीन ख्रिस्ताने जन्म पोह्तर चवदा पिड्या व्ह्येन्यात . 18 येशू ख्रिस्ताने आईस्ना नाव मरिया अस्ताल आन येशू ख्रीस्ताना जन्म असे प्रकरणा व्ह्येना . मरीयेना योसेपने संग लगीन ठरणाल . पण ती आधीच पवित्र आत्मने सामर्थ्यान गर्भवती आस असा दिसीवना . 19 तीना भावी [देव वर विश्वास ठीवणारा ] योसेपतीना नावरास चागला माणूस अस्ताल . तिनी लोकास्मन बें अब्रू व्हवा नाहा म्हणी त्यान तिला गपचीक सोड चीटी दयावानी विचार करणा. 20 पण आसा विचार त्याने मनमन घोळतच रहीणाल तेच देवने दुत्न सपानम त्याला दर्शन दिना आन आखणा , '' दावीद्ने वंशा मधले योसेफा * मरीयाने संग लगीन करवानी अनमान करू नको कारण तिला होणारा पोऱ्या पवित्र आत्माप्हीन * होणार आस . 21 त्यांना नाव तू येशू ठिव . कारण तो त्याने लोकासनी पापपहीन सुटका करही 22 हाय सगळा यानेसाठी घडणा की प्रभून संदेष्ट्याने द्वारे जा आखणाल ता पूर्ण व्हवा . 23 कुमारी गर्भवती व्हई , ती एके पोऱ्याला जन्म दिही आन ते त्याला ्मानुएल/ म्हणजे आमने बरोबर देव आस , आसा आखईत. 24 जव्हा योसेफ जागा व्ह्यना तव्हा देवदुतन जशी त्याला आज्ञा करणाल तसाच त्यान करणा . त्यान मरीयाने संग लगीन करणा . 25 पण तीन पोऱ्याला जन्म देऊ पर्यंत त्यान तिला जानना नाहा . आन योसेफन त्याना नाव येशू ठीवना .