¹ Pọ́ọ̀lù, àpọ́stélì - tí kìí ṣe àpọ́stélì ti ènìyàn tàbí nípasẹ̀ ìránṣẹ́ ènìyàn ṣùgbọ́n nípasẹ̀ Jésù Krístì àti Ọlọ́run Baba, ẹni tí ó jíi dìde kúrò ní ipò àwọn òkú - ² àti gbogbo àwọn arákùnrin tí ó wà pẹ̀lú mi, sí ìjọ Galátíà: ³ Ore ọ̀fẹ́ àti àláfíà fún yín láti ọ̀dọ Ọlọ́run Baba wa àti Jésù Krístì Ọlọ́run, ⁴ ẹni tí ó fi ara rẹ̀ sílẹ̀ nítorí ẹ̀sẹ̀ wa kí ó le gbàwá lọ́wọ́ ìgbà búburú yìí, ní ìbáámu pẹ̀lú ìfẹ́ Ọlọ́run Baba wa, ⁵ tirẹ̀ ni ògo láí àti láíláí. Àmín. ⁶ Ìyàlẹ́nu lójẹ́ fún mi pé ẹ̀yin ń tètè yí padà kúrò lọ́dọ̀ ẹni tí ó pè yín nípasẹ̀ ore ọ̀fẹ́ Krístì. Ìyàlénu lójẹ́ fún mi pé ẹ̀yín ń yí sí ìhìnrere mìíràn. ⁷ Èyí kìí ṣe láti sọ wípé ìhìnrere mìíràn wà, ṣùgbón àwọn ènìyàn kan wà tí ó ń yọ yín lẹ́nu tí wọ́n sìí fẹ́ láti yí ìhìnrere ti Krístì padà. ⁸ Kódà bí ó bájẹ́ àwa tàbí ángẹ́li kan láti ọ̀run ló bá kéde ìhìnrere míràn fún yín tí ó yàtọ̀ sí èyí tí a ti kéde fún yín, jẹ́ kí ó dí ẹni ìfiré. ⁹ Bí a ti ṣe sọ tẹ́lẹ̀, bẹ́ẹ̀ni mo tún sọ fún un yín nísinsìnyí, "bí ẹnikẹ́ni bá kéde ìyìnrere tí ó yàtọ̀ sí èyí tí ẹ gbà, kí ódi ẹni ìfiré." ¹⁰ Ǹjé èmi ń wá òùntẹ̀ ti ènìyàn tàbí tí Ọlọ́run bí? Njẹ èmi ń wá láti tẹ́ ènìyàn lọ́rùn bí? Tí èmi bá sì ń wá láti tẹ́ ènìyàn lọ́rùn, èmi kìí ṣe ìránsẹ́ ti Krístì. ¹¹ Nítorí mo fẹ́ kí ẹ̀yin kí ó mọ̀, ará, pé ìhìnrere tí mo ń kéde kìí ṣe ìhìnrere ti ènìyàn. ¹² Èmi kò gbàá lọ́wọ́ ẹnikẹ́ni, bẹ́ẹ̀ni akò kọ́ mi. Ṣùgbọ́n, ójẹ́ nípa ìfihàn ti jésù krístì sími. ¹³ Ẹ̀yín ti gbọ́ nípa ìgbé ayé mi tẹ́lẹ̀ rí nínú ẹ̀sìn Júù, bí moti ṣe gbógun ti ìjọ Ọlọ́run ju bí ó ṣe yẹ lọ àti bí mo ti ṣe ń gbìyànjú láti paárun. ¹⁴ Mo tayọ nínú ẹ̀sìn Júù ju púpò nínú àwọn tí ó jẹ́ akẹgbẹ́ẹ̀mi, láti inú àwọn ènìyàn mi. Bí mo ti ṣe ní ìtara gidigidi fún ẹ̀sìn àwọn bábà mi nìyí. ¹⁵ Ṣùgbọ́n nígbàtí Ọlọ́run, tí ó ti yàmí sọ́tọ̀ láti inú ìyá mi wá, tí ó sì pèmí nípasè ore ọ̀fẹ́ Rẹ̀, ¹⁶ tí ṣe inú dídùn láti fi Ọmọ Rẹ̀ hàn nínú mi, kí èmi o le kéde rẹ̀ láàrín àwọn Kèfèrí, emí kò bá ẹran ara àtí ẹ̀jẹ̀ gbèrò papọ̀ lẹ́sẹ̀kẹsẹ̀. ¹⁷ Èmi kò gòkè lọ sí Jerusálémù sọ́dọ̀ àwọn tí ó ti di àpọ́stélì síwájú mi. Dípò bẹ́ẹ̀ mo lọ sí Arébíà mo sì padà sí damáskù. ¹⁸ Lẹ́yìn ọdún mẹ́ta, èmí lọ sí Jerúsálẹ́mù láti lọ mọ Kẹ́fásì èmí síì wá pẹ̀lu rẹ̀ fún ọjọ́ mẹ́ẹ̀dógún. ¹⁹ Ṣùgbọ́n Èmi kò rí ọ̀kankan nínú àwọn àpóstélì yókù lẹ́yìn Jákọ́bù arákùnrin ti Olúwa. ²⁰ Nínú ohun tí mo kọ síi yín, mo ń fi dá yín lójú níwájú Ọlọ́run, pé èmi kò pa irọ́. ²¹ Nígbà náà ni mo lọ sí ìgbèríko ti Síríà àti Sílísíà. ²² Èmi tìkaraà mi kò tíì di mímọ̀ fún àwọn ìjọ Jùdíà tí ó wà nínú krístì. ²³ Wọ́n kàn gbọ́ bí a tí nsọ ọ́ ni, "Arákùnrin tí ó ń gbógun tì wá nígbàkanrí tí waá ń kéde ìgbàgbọ́ eléyìí ti òun tìkararẹ̀ ti gbìyànjú láti parun nígbàkanrí." ²⁴ Nítorí náà wón fi ògo fún Ọlọ́run nítorí mi.