¹ Èyí tí ó ti wà lati àtètèkọ́ṣe-tí a ti gbọ́, tí a ti ri pẹ̀lú ojú wa, tí a ti wò, tí ọwọ́ wa si ti gbámú-ó jẹ́ nípa Ọ̀rọ̀ ìyè. ² Àti pẹ̀lú, a fi ìyè naa hàn, a sì ti rí i, a sì n jẹri nípa rẹ. À ń kede ìyè ayérayé fún yín , èyí tí ó wà pẹ̀lú Baba, àti èyí tí ati fi hàn fún wa. ³ Èyí tí a ti rí tí a sì ti gbọ́ tí a n kede fún yín pẹ̀lú, kí Ẹ̀yin náà le ní ìdàpọ̀ pẹ̀lú wa. Ìdàpọ̀ wa wà pẹ̀lú Baba àti Ọmọ rẹ̀, Jésù Krístì ⁴ Àti pẹ̀lú, àwa ń kọ àwon ǹkan wọ̀nyí síi yín kí ayọ̀ wa lè di kíkún. ⁵ Èyí ni ọ̀rọ̀ náà tí àwa ti gbọ́ lati ọ̀dọ̀ ọ rẹ̀ tí a sì n kéde fún yin: Ọlọ́run ni ìmọ́lẹ̀, àti nínu rẹ̀ kò sì sí òkùnkùn kankan rárá. ⁶ Bi àwa bá wípé awa ní ìdàpọ̀ pẹ̀lú rẹ̀ tí a sì ń rìn ní òkùnkùn, àwa ń parọ́ àwa kò sì ṣe ìṣòdodo ⁷ Ṣùgbọ́n bí a bá n rìn nínú ìmọ́lẹ̀, àwa ní ìdàpọ̀ pẹ̀lú arawa, ẹ̀jẹ̀ Jésù Ọmọ rẹ̀ si wẹ̀ wá mọ́ kúrò nínú gbogbo ẹ̀sẹ̀. ⁸ Bí àwa bá wípé àwa kò ní ẹ̀sẹ̀, àwa ń tan arawa, òtítọ́ kò sì sí ní inú wa. ⁹ Sùgbọ́n bí àwa bá jẹ́wọ́ àwọn ẹ̀sẹ̀ wa, olótitọ àti olódodo ni lati dárí ẹ̀sẹ̀ wa jín wá àti lati wẹ́ wá kúrò ninu aìsòdodo gbogbo. ¹⁰ Bí àwa ba wípé àwa kò dá ẹ̀sẹ̀, awa pè é ní onírọ́, ọ̀rọ rọẹ̀ kò sì sí ní inú wa